استانادا ءتىس ەمحاناسىنان ۇرلىق جاساعانى ءۇشىن قىلمىستىق ءىس قوزعالدى. كۇدىكتى بەتىن ش ۇلىقپەن جاسىرۋعا تىرىسقانىمەن، پوليسيا ونى بەينەباقىلاۋ كامەرالارىنىڭ جازبالارى ارقىلى انىقتادى، دەپ حابارلايدى infohub.kz.
استانا قالالىق پوليسيا دەپارتامەنتىنىڭ مالىمەتىنشە، قىلمىسكەر ەمحانا جابىق تۇرعانىن پايدالانىپ، كىلتتى تاۋىپ الىپ، ىشكە كىرگەن. قىلمىس جاساماس بۇرىن ول تانىلماۋ ءۇشىن باسىنا قارا ش ۇلىق كيگەن. ۇي-ىشىنەن ول نوۋتبۋكتەردى، گادجەتتەردى جانە سەيفتى ۇرلاپ كەتكەن. جالپى شىعىن شامامەن 2 ميلليون تەڭگەنى قۇرادى.
الايدا، بارلىق ايلا-تاسىلدەرگە قاراماستان، ەر ادام ماسكا كيگەنگە دەيىن كوشەدەگى بەينەباقىلاۋ كامەرالارىنىڭ كوزىنە ءتۇسىپ قالعان. جازبالاردى زەردەلەي كەلە، ءتارتىپ ساقشىلارى ونىڭ جەكە باسىن انىقتادى. ول 34 جاستاعى جەرگىلىكتى تۇرعىن بولىپ شىقتى. وسى فاكتى بويىنشا قىلمىستىق ءىس قوزعالدى.