قازاقستان استاناسىندا ن. تلەندييەۆ داڭعىلىنىڭ ءبىر بولىگىندە جول جۇمىستارىنا بايلانىستى كولىك قوزعالىسى ۋاقىتشا شەكتەلەدى. شەكتەۋلەر 7-12 تامىز ارالىعىندا ەنگىزىلەدى، دەپ حابارلايدى infohub.kz سايتى.
استانا قالالىق iKomek مونيتورينگ جانە جەدەل ارەكەت ەتۋ ورتالىعىنىڭ مالىمەتىنشە، داڭعىلدىڭ كوكتال كوشەسىنەن ترانسپورتتىق ايرىققا دەيىنگى بولىگىندە جول توسەمىنىڭ جوعارعى قاباتى توسەلەدى. جۇمىس جۇرگىزۋ كەزىندە قوزعالىس ءىشىنارا شەكتەلىپ، كولىك جولدىڭ ءبىر جاعىمەن جۇرەدى.
وسىعان بايلانىستى اعىمداعى جىلدىڭ 7-12 تامىز ارالىعىندا اتالعان ۋچاسكەدە قوزعالىس ءىشىنارا جابىلادى. بۇل رەتتە كولىك قۇرالدارىنىڭ قوزعالىسى جولدىڭ ءبىر جاعىمەن ۇيىمداستىرىلادى. جۇرگىزۋشىلەر مەن جاياۋ جۇرگىنشىلەردى مارشرۋتتارىن الدىن الا جوسپارلاپ، جول قوزعالىسىن ۇيىمداستىرۋداعى ىقتيمال وزگەرىستەردى ەسكەرۋدى سۇرايمىز، — دەلىنگەن رەسمي حابارلامادا.
قاۋىپسىزدىكتى قامتاماسىز ەتۋ جانە قولايسىزدىقتاردى ازايتۋ ءۇشىن جول بەلگىلەرى مەن كورسەتكىشتەر ورناتىلادى.