استانادا 86 جاستاعى زەينەتكەر مەلس مولداعالي ۇلى 30 جاستاعى فيتنەس-جاتتىقتىرۋشى دياس ءابدىراحمانوۆتىڭ شاقىرۋىن قابىل الىپ، بەس جاتتىعۋدىڭ ەكەۋىندە جەڭىسكە جەتتى. بۇل تۋرالى infohub.kz سايتى حابارلايدى.
فيتنەس-جاتتىقتىرۋشى دياس ءابدىراحمانوۆ ءوزىنىڭ سالاۋاتتى ءومىر سالتىن ۇستاناتىن 87 جاستاعى قارتپەن جارىسقانىن كورسەتەتىن ۆيدەو جاريالادى. ولار بەس جاتتىعۋ ورىندادى: سالماقپەن جانە سالماقسىز وتجيمانيە، تارتىلۋ جانە سپورتتىق سناريادتارمەن ەڭكەيتۋ. ناتيجەسىندە دياس ەكى جاتتىعۋدى ورىنداي المادى، ءبىراق مۇنى تاڭدانا مويىندادى.
«ەسكى مەكتەپتەن ۇيرەنەمىز، مەلس اتاعا 87 جاس — كۇشتى ەلەمەنتتەردى كورسەتۋگە كەدەرگى ەمەس»، — دەپ جازدى جاتتىقتىرۋشى ۆيدەو سيپاتتاماسىندا.
ۆيدەو 30 مىڭنان استام لايك جينادى. پىكىرلەردە پايدالانۋشىلار ەندى وسى كىسىنىڭ كەسىرىنەن زەينەت جاسىن كوتەرەتىنىن ايتىپ ازىلدەسەدى، سونداي-اق ونىڭ دايىندالۋعا ۋاقىتى كوبىرەك بولعانىن اتاپ وتەدى. استانالىقتار اتانى جاتتىقتىرۋشى جانە ماتەماتيكا ءمۇعالىمى رەتىندە بىلەتىندەرىن جازادى.
«جاس — بۇل جاتتىعۋ ءۇشىن جاي عانا سان»، «مۇنداي اتاعا ۇتىلۋ ۇيات ەمەس»، «جارايسىڭ، اتاشكا، دياس، وسىنداي ءىس-شارالار وتكىزگەنىڭە رەسپەكت. جاستار، ۇيرەنىڭدەر، سپورت — بۇل ءومىر جانە سۇلۋلىق»، «مەلسكە 10 لايك قالاي قويۋعا بولادى؟» — دەپ قازاقستاندىقتار تاڭدانادى.
بۇعان دەيىن Kursiv LifeStyle استانادا ەر ادامداردىڭ جاعالاۋعا شىنجىر جانە تاستارمەن جاتتىعۋعا جينالا باستاعانىن جازعان بولاتىن. ولاردىڭ جاتتىعۋلارى تۇسىرىلگەن ۆيدەو قىزدار تاراپىنان كوپتەگەن پىكىر جينادى.