بۇل ترەنينگ اتا - انالارىمەن وتكىزىلەدى.
ماقساتى: اتا - انانىڭ بالا تاربيەلەۋدەگى وڭ پسيحولوگيالىق كوزقاراسىن، بالاعا دەگەن جاۋاپكەرشىلىك سەزىمىن قالىپتاستىرۋ.
قاتىسۋشىلار: اتا - انالار.
قۇرال - جابدىقتار: ءتۇرلى - ءتۋستى قاعاز، جەلىم، پلاكات.
ترەنينگ ساباقتىڭ مىندەتى: اتا - انانىڭ بالاعا دەگەن سۇيىسپەنشىلىگىن بايقاۋ؛ ءوزىنىڭ جانە وزگەنىڭ دارالىعىن باعالاۋ، ءوزىن قۇرمەتتەۋ؛ كوڭىل - كۇيدى كوتەرۋ، سەزىم مەن ەموسيانى رەتتەۋ.
ترەنينگ ساباقتى وتكىزۋگە
ترەنينگ بارىسى:
1. سالەمدەسۋ ءراسىمى
2. سۇراق - جاۋاپ «ماداقتاۋ - جازالاۋ»
3. «جانۇيا باقىتى» جاتتىعۋ.
4. «سويلەمدى اياقتا» ادىستەمەسى.
5. جاتتىعۋ: «تىلەك شامى».
6. «سيقىرلى جۇرەك» وي - ءتۇيىن
بالا – اتا - انا ءومىرىنىڭ جالعاسى. «بالامنىڭ تابانىنا كىرگەن شوڭگە مەنىڭ ماڭدايىما كىرسىن،» دەپ الپەشتەپ وسىرگەن پەرزەنتى اۋىرىپ نە باسقا ءبىر قاتەر تونگەندە مويىندارىنا بۇرشاعىن سالىپ، «ءوزىمدى الىپ، بالامدى امان قالدىر!» دەپ قۇدايعا جالبارىنعان.
اتا - انالاردىڭ جاستىعى مەن بالا تاربيەسىندەگى تاجىريبەنىڭ جوقتىعى، بولماسا تاربيە جۇمىستارىندا تەك قانا ءوز ويلارى مەن كوزقاراستارىنا عانا جۇگىنۋى نەمەسە قاجەتتى پەداگوگيكالىق بىلىمدەرىنىڭ جەتىسپەۋشىلىگى سالدارىنان تاربيە پروسەستەرى كوپتەگەن قاتەلىكتەرگە ۇشىراپ وتىرادى.
سوندىقتان دا مەكتەپ ومىرىندەگى اتا - انالاردىڭ پەداگوگيكالىق ءبىلىمىن جەتىلدىرۋ، مادەنيەتىن ارتتىرۋ، بالا تاربيەسىنە بەلسەنە ارالاستىرۋ، سونىڭ ناتيجەسىندە اتا - انانى بالانىڭ العاشقى ۇستازىنا اينالدىرۋ ماقساتىندا ۇيىمداستىرىلاتىن سەمينار ترەنينگتەردىڭ ماڭىزى وراسان زور.
جاتتىعۋ – «تانىسۋ»، «ەسىمدەر الليتەراسياسى»
نۇسقاۋ: الدىمەن ءوز ەسىمدەرىڭىزدىڭ الدىنا ادامنىڭ بويىندا بار جاقسى قاسيەتتىڭ بىرەۋىن ايتىپ، ءوزىڭىز تۋرالى قىسقاشا مالىمەت بەرۋىڭىز كەرەك.
مىسالى: مەن نۇرلى – نۇرگۇلمىن؛
مەن كورىكتى - اسەممىن؛
مەن دارىندى – ديدارمىن.
سۇراق - جاۋاپ: «ماداقتاۋ مەن جازالاۋ»
ماقساتى: اتا - انانىڭ بالاعا دەگەن كوڭىل ءبولۋىن بايقاۋ.
بارىسى: قاعازدى ەكىگە ءبولىپ، ءبىر جاعىنا بالانى ماقتاۋ كەزىندە قولدانىلاتىن سوزدەردى،
ال ەكىنشى جاعىنا، سوگىس جاريالاۋ كەزىندە قولدانىلاتىن سوزدەردى جازىڭىز.
قاي بولىكتە سوزدەردىڭ كوپ بولعاندىعى جايىندا ساراپتاما جاسالىپ، اتا - انالارعا قورىتىندى جاساۋ ۇسىنىلادى.
جاتتىعۋ: «جانۇيا باقىتى» جاتتىعۋ.
ماقساتى: اتا - انانىڭ بالا تاربيەسىندەگى قارىم - قاتىناسى تۋرالى تۇسىنىكتەر بەرۋ ارقىلى اتا - انالاردىڭ ءبىلىمىن كوتەرۋگە كومەكتەسۋ.
«جانۇيا باقىتى» اتتى ترەنينگىمىزدى باستايىق. ترەنينگتىڭ شارتى: «باقىتتى جانۇيا» مودەلىن قۇرۋ. ياعني، اتا - انا ءوزىنىڭ وتباسىن سالۋ جانە وتباسى باقىتىن سۋرەت ارقىلى كورسەتىپ، سۋرەتتىڭ جان جاعىنا وتباسى سوزدەرى ارقىلى جەتكىزۋ كەرەك.
“سويلەمدى اياقتا” ادىستەمەسى.
- مەن ءوز وتباسىمدى جاقسى كورەم، سەبەبى....
- وتباسى بۇل....
- وتباسىم باقىتتى بولۋ ءۇشىن....
- وتباسىمدا زورلىق - زومبىلىققا جول جوق، سەبەبى....
- مەن قالار ەدىم وتباسىمنىڭ....
جاتتىعۋ: «تىلەك شامى».
ماقساتى: ترەنينگ تۋرالى پىكىرلەرىڭىزدى ورتاعا سالۋ.
قۇرمەتتى اتا - انالار! ءبىز سىزدەرمەن جانۇياداعى اتا - انا مەن بالا اراسىنداعى قارىم - قاتىناسىن ءتۇرلى جاقتارىن تانۋعا، جان - جاقتى تالقىلاۋعا تىرىستىق. وتباسى، ۇشاق ۇيا - جىلۋلىقتىڭ مەكەنى. «وتباسى» اتاۋىنىڭ مانىنە تەرەڭ ۇڭىلەر بولساق، وتتىڭ دا ۇلكەن ماڭىزى بار ەكەنىن سەزەمىز. سوندىقتان وتتىڭ باسى، وشاعىمىزدىڭ ءتۇتىنى ءتۇزۋ بولۋى ءۇشىن «تىلەك شامى» جاتتىعۋىن ءبىر - بىرىمىزگە تىلەك ايتا وتىرىپ جۇرگىزەيىك. ءبىر - بىرىمىزگە مىنا شامدى بەرە وتىرىپ بۇگىنگى كەزدەسۋدەن العان اسەرلەرىڭىزبەن ءبولىسىپ، ترەنينگ بارىسىندا ايتا الماي قالعان ويلارىڭىز بولسا بارلىعىڭىز دا وسى جەردە ايتۋلارىڭىزدى سۇرايمىن.
وي - ءتۇيىن: «سيقىرلى جۇرەك»
نۇسقاۋ: بالا تاربيەلەۋدەگى جۇرەك جىلۋىن الدارىڭىزداعى جۇرەك قاعازدارعا جازىلۋ ۇسىنىلادى. جاقسى سوزدەر ارقىلى مەيرىمدى جۇرەككە اينالۋ قاجەت.