بولات اقشۇلاقوۆپەن بىرگە اتىراۋ وبلىسىنىڭ اكىمى لاۋازىمىنا تاعى كىمدەر ۇمىتكەر بولعانى بەلگىلى بولدى، دەپ حابارلايدى infohub.kz.
پرەزيدەنت قاسىم-جومارت توقاەۆتىڭ تاپسىرماسى بويىنشا پرەمەر-مينيستر ولجاس بەكتەنوۆ پەن پرەزيدەنت اكىمشىلىگىنىڭ باسشىسى رومان سكليار اتىراۋ وبلىسى ءماسليحاتتارىنىڭ دەپۋتاتتارىنىڭ جينالىسىنا قاتىستى. رومان سكليار دەپۋتاتتارعا پرەزيدەنتتىڭ اكىم لاۋازىمىنا ەكى كانديدات ۇسىنعان حاتىن وقىپ بەردى: «KAZENERGY» مۇناي-گاز جانە ەنەرگەتيكا كەشەنى ۇيىمدارىنىڭ قازاقستاندىق قاۋىمداستىعى» زاڭدى تۇلعالار بىرلەستىگىنىڭ ءتوراعاسى بولات اقشۇلاقوۆ جانە اتىراۋ وبلىسى اكىمىنىڭ ورىنباسارى دارىن شامۋراتوۆ.
اشىق داۋىس بەرۋ قورىتىندىسى بويىنشا 101 دەپۋتاتتىڭ 83ء-ى بولات اقشۇلاقوۆقا داۋىس بەردى. دارىن شامۋراتوۆتىڭ كانديداتۋراسىنا 18 دەپۋتات داۋىس بەردى. پرەزيدەنتتىڭ ءتيىستى جارلىعىمەن اتىراۋ وبلىسىنىڭ اكىمى بولىپ بولات اقشۇلاقوۆ تاعايىندالدى.
وبلىس اكتيۆىمەن كەزدەسۋدە پرەمەر-مينيستر سەرىك شاپكەنوۆتى وبلىستى ءتورت جىل باسقارعان كەزەڭدەگى ءوڭىردىڭ دامۋىنا قوسقان ۇلەسى ءۇشىن العىس ايتىپ، جاڭا اكىمدى تانىستىردى. الدىن الا حابارلانعانداي، 17 شىلدەدە ءماسليحات دەپۋتاتتارىنىڭ تاعايىنداۋعا كەلىسىم بەرۋ ءۇشىن جينالىسى وتەدى. سەرىك شاپكەنوۆ وبلىس باسشىسى لاۋازىمىنان بوساتىلىپ، ونىڭ ورنىنا بولات اقشۇلاقوۆ كەلدى.