اتىراۋ مۇناي وڭدەۋ زاۋىتىنىڭ (ءاموز) باس ديرەكتورى بولىپ مۇراتجان مۇسايبەكوۆ تاعايىندالدى، دەپ حابارلايدى infohub.kz سايتى.
«قازمۇنايگاز» ۇلتتىق كومپانياسىنىڭ رەسمي Telegram-ارناسىندا حابارلانعانداي، مۇسايبەكوۆ مۇراتجان جۇنىسبەك ۇلىن «اتىراۋ مۇناي وڭدەۋ زاۋىتى» ج ش س (ءاموز ج ش س) قاتىسۋشىلارىنىڭ كەزەكتەن تىس جالپى جينالىسىندا باس ديرەكتور (باسقارما ءتوراعاسى) لاۋازىمىنا تاعايىنداۋ تۋرالى شەشىم قابىلداندى.
جاڭا باسشىنى ۇجىمعا «قازمۇنايگاز» اق باسقارما ءتوراعاسىنىڭ ورىنباسارى اسەت ماعاۋوۆ تانىستىردى. مۇسايبەكوۆ ءار جىلدارى «قازمۇنايگاز» اق جۇيەسىندە ءارتۇرلى قىزمەتتەر اتقارعان. ول كمگ-نىڭ مۇناي-گاز وڭدەۋ جانە مۇناي-حيميا جوبالارىن ىسكە اسىرۋ جونىندەگى ديرەكتورى، مۇناي وڭدەۋ جونىندەگى باسقارۋشى ديرەكتورى، «قازمۇنايگاز – وڭدەۋ جانە ماركەتينگ» اق باس ديرەكتورىنىڭ ورىنباسارى، «KPI Inc.» ج ش س باسقارما ءتوراعاسىنىڭ ءبىرىنشى ورىنباسارى، سونداي-اق باسقا دا مەملەكەتتىك جانە جەكە قۇرىلىمداردا قىزمەت ەتكەن.
كمگ باسشىلىعى ءاموز الدىنا وپەراسيالىق تيىمدىلىكتى ارتتىرۋ، اشىق ءتۇستى مۇناي ونىمدەرىنىڭ شىعىمدىلىعىن ۇلعايتۋ، وندىرىستىك پروسەستەردىڭ سەنىمدىلىگى مەن ەنەرگيا تيىمدىلىگىن ارتتىرۋ، ەكولوگيالىق جوبالاردى ودان ءارى ىسكە اسىرۋ، سونداي-اق جۇمىسشىلارعا قولايلى جانە ءقاۋىپسىز جاعداي جاساۋ بويىنشا ناقتى مىندەتتەر قويدى. زاۋىتتىڭ تۇراقتى جانە ۇزدىكسىز جۇمىسىنىڭ ماڭىزدىلىعى اتاپ ءوتىلدى.
«اتىراۋ مۇناي وڭدەۋ زاۋىتى» ج ش س قاتىسۋشىلارىنىڭ كەزەكتەن تىس جالپى جينالىسىنىڭ شەشىمىمەن بۇرىنعى باس ديرەكتور (باسقارما ءتوراعاسى) بيشيموۆ قۋانىش ەرداۋلەت ۇلىنىڭ وكىلەتتىگى توقتاتىلدى.