اتىراۋدا الەۋمەتتىك جەلىلەردە جول قوزعالىسى ەرەجەلەرىن ورەسكەل بۇزعان ۆيدەولاردى جاريالاعان توي كورتەجىنىڭ قاتىسۋشىلارى جازاعا تارتىلدى، دەپ حابارلايدى infohub.kz سايتى.
ىشكى ىستەر مينيسترلىگىنىڭ مالىمەتىنشە، پوليسيا قىزمەتكەرلەرى الەۋمەتتىك جەلىلەردى مونيتورينگتەۋ كەزىندە اتىراۋداعى توي كورتەجىنىڭ قاتىسۋشىلارىنىڭ جقە ورەسكەل بۇزعانىن كورسەتەتىن بەينەماتەريالداردى انىقتاعان. تەكسەرۋ بارىسىندا ءابىلقايىر حان داڭعىلىندا Volkswagen Polo جانە Lada Priora اۆتوكولىكتەرىنىڭ جۇرگىزۋشىلەرى مەن جولاۋشىلارى جول قوزعالىسى قاۋىپسىزدىگىنە جانە ونىڭ باسقا قاتىسۋشىلارىنا ناقتى ءقاۋىپ توندىرەتىن ارەكەتتەر جاساعانى انىقتالدى. تەكسەرۋ ءىس-شارالارىنىڭ ناتيجەسىندە پاترۋلدىك پوليسيا قىزمەتكەرلەرى وقيعانىڭ بارلىق قاتىسۋشىلارىنىڭ جەكە باسىن انىقتادى.
بارلىعى مانەۆر جاساۋ ەرەجەلەرىن بۇزعانى، بەلگىلەنگەن تالاپتاردى بۇزا وتىرىپ كولىك قۇرالدارىن باسقارعانى جانە پايدالانعانى، قاۋىپسىزدىك بەلدىكتەرىن تاقپاعانى، سونداي-اق اۆاريالىق جاعداي تۋعىزعانى ءۇشىن 8 ادام جاۋاپكەرشىلىككە تارتىلدى. اتىراۋ وبلىسىنىڭ پوليسيا دەپارتامەنتى توي كورتەجدەرى مەن باسقا دا جاپپاي ءىس-شارالار كەزىندە جول قوزعالىسى ەرەجەلەرىن كەز كەلگەن ادەيى بۇزۋ ازاماتتاردىڭ ءومىرى مەن دەنساۋلىعىنا ءقاۋىپ توندىرەتىنىن ەسكە سالادى. وسىنداي قۇقىققا قارسى ارەكەتتەر ءۇشىن كىنالى تۇلعالار قازاقستان رەسپۋبليكاسىنىڭ قولدانىستاعى زاڭناماسىنا سايكەس جاۋاپكەرشىلىككە تارتىلادى.