Photo: Ayazhan (https://www.pexels.com/@ayazhan-3173683) / Pexels
اتىراۋدا ەر ادام قىزدىڭ ارقاسىنان شاپالاقتاپ، ءوزىن كىنالادى
اتىراۋ قالاسىندا جاياۋ جۇرگىنشىلەر جولاعىندا تۇرعان قىزدارعا بەيتانىس ەر ادامنىڭ تيىسكەن وقيعاسى الەۋمەتتىك جەلىدە قىزۋ تالقىعا ءتۇستى. وقيعا 11 مامىر كۇنى كەشكە ازاتتىق داڭعىلىندا بولعان.
بۇل تۋرالى Infohub.kz اقپارات اگەنتتىگى حابارلايدى.
جاس قىزدار جۇمىستان كەيىن كوشەدە اڭگىمەلەسىپ تۇرعاندا، بەلگىسىز ەر ادام جاقىنداپ كەلىپ، بىرەۋىنىڭ ارقاسىنان شاپالاقتاپ ۇلگەرگەن.
«وزدەرىڭ كىنالاتتىڭدار»
قىز وعان ەسكەرتۋ جاساعاندا، ەر ادام ولاردى ءوزى كىنالاتقانىن ايتقان. ءتىپتى پوليسيا شاقىرامىز دەگەنىنە قاراماستان، ول ورنىنان كەتپەي، جاقىن ماڭدا ايالداپ تۇرعان.
كەيىن قىزدار بۇل ءساتتىڭ ۆيدەوسىن جەلىگە سالىپ، ەر ادامنىڭ مۇنداي ارەكەتىنە نازار اۋدارۋدى سۇراعان. ولار مۇنداي جاعدايدىڭ قايتالانباۋىن، كەلەسى جولى ولاردىڭ ورنىندا بالالار تۇرماۋىن تىلەيتىنىن جەتكىزگەن.
«جۇمىستان كەيىن شىعىپ، سويلەسىپ تۇرعانبىز. ەندى قاراپايىم اڭگىمە ايتۋ – «كىنالاۋ» بولىپ شىعادى ەكەن عوي؟» — دەپ جازدى جازبا اۆتورى.
«اق جايىق» باسىلىمى اتىراۋ وبلىستىق پوليسيا دەپارتامەنتىنە رەسمي ساۋال جولداپ، جاۋاپ كۇتىپ وتىر.
-
قازاقستان رەسپۋبليكاسىنىڭ ۇلتتىق ەكونوميكا ءمينيسترى، پرەمەر-مينيستردىڭ ورىنباسارى سەرىك جۋمانعارين حالىقتىڭ ءال-اۋقاتىن ارتتىرۋ باعدارلاماسىنىڭ دايىندىعى تۋرالى ايتىپ بەردى.
-
An incident where a stranger slapped a young woman's back at a pedestrian crossing in Atyrau has sparked public outrage and discussion online.
