15 تامىزدا قازاقستاننىڭ ءۇش قالاسىندا قولايسىز مەتەورولوگيالىق جاعدايلار كۇتىلەدى، دەپ حابارلايدى infohub.kz سايتى.
سينوپتيكتەردىڭ مالىمەتىنشە، قولايسىز مەتەوجاعدايلار (قمج) الماتى مەن اتىراۋدا، ال تۇندە وسكەمەندە بولجانادى.
مامانداردىڭ تۇسىندىرۋىنشە، قولايسىز مەتەوجاعدايلار تىمىق اۋا رايى، ءالسىز جەل، تۇمان جانە تەمپەراتۋرالىق ينۆەرسيانىڭ تۇتاسۋى كەزىندە پايدا بولادى. ناتيجەسىندە لاستاۋشى زاتتار اتموسفەرانىڭ جەرگە جاقىن قاباتىندا جينالىپ، اۋا ساپاسىنىڭ ناشارلاۋىنا اكەلۋى مۇمكىن.
سينوپتيكتەر مۇنداي كەزەڭدەردە دەنساۋلىققا تەرىس اسەر ەتۋ ءقاۋپى ارتاتىنىن، اسىرەسە سوزىلمالى اۋرۋلارى بار ادامدار ءۇشىن ءقاۋىپتى ەكەنىن ەسكەرتەدى.
اۋانىڭ لاستانۋ دەڭگەيىنە جەلدىڭ جىلدامدىعى، جاۋىن-شاشىن، ىلعالدىلىق جانە اۋا تەمپەراتۋراسى اسەر ەتەدى.
تۇرعىندارعا كوشەدە، اسىرەسە اۆتوكولىك جولدارى مەن باسقا دا لاستانۋ كوزدەرىنىڭ جانىندا بولۋ ۋاقىتىن قىسقارتۋ ۇسىنىلادى. بالالار مەن جۇكتى ايەلدەرگە ۇزاق سەرۋەندەۋدەن باس تارتۋعا كەڭەس بەرىلەدى.
تىنىس الۋ جانە جۇرەك-قان تامىرلارى جۇيەسى اۋرۋلارى بار ادامدارعا، سونداي-اق اللەرگياسى بارلارعا قاجەتتى دارى-دارمەكتەردى وزىمەن بىرگە الىپ ءجۇرۋ ۇسىنىلادى. ماماندار اشىق اۋاداعى فيزيكالىق بەلسەندىلىكتى شەكتەۋدى جانە مۇمكىندىگىنشە ساباقتاردى جابىق ءۇي-جايلارعا اۋىستىرۋدى كەڭەس بەرەدى.
بۇعان دەيىن «كۋرسيۆ» قازاقستاننىڭ كوپتەگەن ايماقتارىندا 15 تامىزعا داۋىلدى ەسكەرتۋ جاريالانعانىن جازعان بولاتىن. سينوپتيكتەر نايزاعاي، بۇرشاق، قاتتى جەل، شاڭدى داۋىل جانە +43°س-قا دەيىن قاتتى ىستىق بولجاپ وتىر، دەپ حابارلادى «قازگيدرومەت» رمك.