«قازگيدرومەت» رمك ماماندارى قازاقستاننىڭ بىرنەشە قالاسىنىڭ تۇرعىندارىن 28 تامىز، جۇما كۇنى قولايسىز مەتەورولوگيالىق جاعدايلار (قمج) تۋرالى ەسكەرتتى، دەپ حابارلايدى infohub.kz سايتى.
سينوپتيكتەردىڭ مالىمەتىنشە، قمج الماتى، اقتوبە، بالقاش قالالارىندا، ال تۇندە اتىراۋ، قاراعاندى جانە تەمىرتاۋدا كۇتىلەدى.
قولايسىز مەتەورولوگيالىق جاعدايلار — بۇل اتموسفەرانىڭ جەر بەتىنە جاقىن قاباتىندا زياندى (لاستاۋشى) زاتتاردىڭ جينالۋىنا ىقپال ەتەتىن قىسقا مەرزىمدى مەتەورولوگيالىق فاكتورلاردىڭ (تىمىق، ءالسىز جەل، تۇمان، ينۆەرسيا) جيىنتىعى.
قمج پايدا بولعان كەزدە ەلدى مەكەندەردە اتموسفەرالىق اۋا ساپاسىنىڭ ناشارلاۋى مۇمكىن، بۇل ادام دەنساۋلىعىنا اسەر ەتەدى.
لاستانۋ دەڭگەيىنىڭ قالىپتاسۋىن انىقتايتىن ماڭىزدى فاكتورلاردىڭ ءبىرى — سينوپتيكالىق جاعدايدىڭ (جەل، جاۋىن-شاشىن، ىلعالدىلىق، اۋا تەمپەراتۋراسى) بولجامى.
بۇعان دەيىن «كۋرسيۆ» سينوپتيكتەردىڭ 28 تامىز، جۇما كۇنىنە داۋىلدى ەسكەرتۋ تاراتقانىن جازعان بولاتىن.
«قازگيدرومەت» بولجامى بويىنشا، 28 تامىزدا قازاقستان اۋماعىنىڭ باسىم بولىگىندە جاۋىن-شاشىنسىز اۋا رايى كۇتىلەدى. سونىمەن قاتار، ەلدىڭ سولتۇستىك-باتىسىندا، سولتۇستىگىندە جانە سولتۇستىك-شىعىسىندا نايزاعايمەن جاڭبىر جاۋادى. سولتۇستىكتە تۇندە قاتتى جاڭبىر، كەيبىر اۋدانداردا بۇرشاق جاۋۋى مۇمكىن.
رەسپۋبليكا بويىنشا جەلدىڭ كۇشەيۋى بولجانادى. وڭتۇستىكتە شاڭدى داۋىل مۇمكىن. سولتۇستىكتە، شىعىستا جانە ەل ورتالىعىندا تۇندە جانە تاڭەرتەڭ تۇمان كۇتىلەدى.