«كومپاس ي كو» كومپانياسى قاراعاندى وبلىسىنداعى بالقاش قالاسىنىڭ جەرىندە ورنالاسقان قىزىلبولات ۋچاسكەسىندە شاشىلما التىن مەن باسقا دا قۇندى مەتالداردى گەولوگيالىق بارلاۋ جۇمىستارىن جۇرگىزۋدى جوسپارلاپ وتىر، دەپ حابارلايدى infohub.kz سايتى.
التىننان بولەك، ۋچاسكەدە كۇمىس پەن پلاتينانى دا ىزدەۋ كوزدەلگەن. اۋماق جالپى كولەمى 28،3 شارشى شاقىرىم بولاتىن 12 بلوكتى قامتيدى. كومپانيا قۇندى مەتالداردىڭ قورىن «التىنالماستىڭ» جۇمىس ىستەپ تۇرعان كەن ورىندارىنىڭ ماڭىنان تابۋدى كوزدەپ وتىر.
جۇمىستاردى 2027 جىلدىڭ ساۋىرىنەن قازانىنا دەيىن جانە 2028 جىلدىڭ ساۋىرىنەن قازانىنا دەيىن قوسا العاندا جۇرگىزۋ جوسپارلانۋدا. بارلاۋ بارىسىندا تەرەڭدىگى 5 مەترگە، ەنى 2 مەترگە دەيىنگى ورلار قازىلادى. سونىمەن قاتار كومپانيا ۋچاسكەنىڭ ءتۇرلى بولىكتەرىندە ورتاشا تەرەڭدىگى 50 مەتر بولاتىن 60 ۇڭعىما بۇرعىزۋدى نيەت ەتىپ وتىر.
بارلاۋ ۋچاسكەسىنىڭ ماڭىندا «التىنالماس» كومپانياسىنىڭ دوليننوە جانە پۋستىننوە كەنىشتەرى ورنالاسقان. ۋچاسكەگە ەڭ جاقىن ەلدى مەكەن – باتىسقا قاراي 40 كم جەردەگى اقجايلاۋ اۋىلى.
«كومپاس ي كو» كومپانياسى احقو الاڭىندا 2026 جىلدىڭ اقپانىندا قۇرىلعان. ول گە سزيان مەن دۋلات وماروۆ يەلەنەتىن Economic and Environmental Cooperation Organization Ltd كومپانياسىنا تيەسىلى. گە سزيانگە ءتورت كومپانيا – «ازياتسكايا كومپانيا ناتۋرالنوي ەدى»، «فينانسوۆايا كورپوراسيا گ. استانى» جانە تاعى ءبىر ءوندىرۋشى كومپانيا قارايدى. سونداي-اق ول تاعى جەتى زاڭدى تۇلعانى باسقارادى.
بۇعان دەيىن «جاڭا مىس» كومپانياسى اباي وبلىسىنىڭ اياگوز اۋدانىنداعى 50 بلوكتان تۇراتىن ۋچاسكەدە گەولوگيالىق بارلاۋ جۇمىستارىن باستايتىنى حابارلانعان. وندا Solidcore Resources قۇرامىنا كىرەتىن كومپانيا التىن مەن مىس تابۋدى ءۇمىت ەتىپ وتىر.