قازاقستاندىق پروديۋسەر ءارى اكتريسا بايان الاعۇزوۆا «كەشYOU» توبىنىڭ 20 جىلدىعىنا ارنالعان كونسەرت استانادا وتەتىنىن حابارلادى. ول سونداي-اق شوۋدا ساليۋت بولاتىنى تۋرالى سۇراققا جاۋاپ بەردى، دەپ حابارلايدى infohub.kz.
كونسەرت 19 قىركۇيەكتە «بارىس ارەنا» الاڭىندا وتەدى. پروديۋسەردىڭ ايتۋىنشا، شوۋ باعدارلاماسى 40 پايىزعا جاڭارتىلعان، كورەرمەندەردى جاڭا توسىنسىيلار كۇتىپ تۇر.
پروديۋسەر شوۋدا ساليۋت بولاتىنىنا دا جاۋاپ بەردى. ەسكە سالايىق، كانە ۋەستتىڭ الماتىداعى ونەرىنەن كەيىن بايان الاعۇزوۆا ءبىرقاتار رەزونانستىق جازبا جاريالاعان ەدى. ول «كەشYOU» توبىنىڭ الماتىداعى ستاديونداعى كونسەرتىندە ولارعا ساليۋت بەرۋگە رۇقسات ەتىلمەگەنىن، ال YE-گە رۇقسات ەتىلگەنىن ايتقان. «وكىنىشكە قاراي، ساليۋت بولمايدى، سەبەبى بىرىنشىدەن، رۇقسات ەتىلمەيدى، ەكىنشىدەن، بۇل — جابىق عيمارات، «بارىس ارەنا». ءبىراق، مەنىڭ ويىمشا، «كەشYOU»-دىڭ 25 جىلدىعىندا ساليۋت تۋرالى كەلىسە الامىز. 5 جىلدان كەيىن كەلىڭىزدەر. ساليۋتسىز دا بۇل مەن ۋادە ەتكەندەي الەمدىك دەڭگەيدەگى شوۋ بولادى»، — دەدى ول.
سونداي-اق، «كەشYOU» توبىنىڭ «التىن قۇرامىنىڭ» الماتىداعى مەرەيتويلىق كونسەرتتە قايتا بىرىگۋى قازنەتتى جارىپ جىبەرگەنىن جازعان بولاتىنبىز.