گونكونگ ۋنيۆەرسيتەتىنىڭ عالىمدارى اپتاسىنا ءبىر رەت 75 مينۋتتىق ينتەرۆالدى جىلدام ءجۇرۋ ىشتەگى سەمىزدىكپەن كۇرەسۋدە ءتيىمدى ەكەنىن جانە جۇرەك جۇمىسىن جاقسارتاتىنىن انىقتادى، دەپ حابارلايدى infohub.kz سايتى.
بەل ايماعىنداعى مامىر قاباتتارىمەن كۇرەسۋگە ارنالعان زەرتتەۋ ناتيجەلەرى "Nature Communications" جۋرنالىندا جاريالاندى. گونكونگ ۋنيۆەرسيتەتىنىڭ لي كاشين اتىنداعى مەديسينا فاكۋلتەتىنىڭ ماماندارى ۆيسەرالدى سەمىزدىگى بار 315 ەرەسەك ەرىكتىنىڭ قاتىسۋىمەن ءتورت ايلىق ەكسپەريمەنت جۇرگىزدى.
قاتىسۋشىلار توپتارعا ءبولىندى: ءبىرىنشى توپ اپتاسىنا ءبىر رەت 75 مينۋتتىق ينتەرۆالدى جىلدام جۇرۋمەن اينالىستى، ەكىنشى توپ سول ۋاقىتتى ءۇش جاتتىعۋعا ءبولدى، ال ءۇشىنشى توپ دەنساۋلىق تۋرالى دارىستەر تىڭدادى. ينتەرۆالدى جاتتىعۋلار كەزىندە جوعارى جانە تومەن جۇكتەمە كەزەڭدەرى الماسىپ وتىردى.
16 اپتادان كەيىن ولشەۋلەر ەكى توپتىڭ دا بەل كولەمى مەن جالپى مامىر پايىزىن بىردەي ءتيىمدى ازايتقانىن، سونداي-اق باقىلاۋ توبىمەن سالىستىرعاندا جۇرەك-قان تامىرلارى جۇيەسىنىڭ كورسەتكىشتەرىن جاقسارتقانىن كورسەتتى.
زەرتتەۋ جەتەكشىسى، پروفەسسور پاركو سيۋ مين-فاي مۇنداي فورمات اپتاسىنا بىرنەشە رەت جاتتىعۋعا ۋاقىت تابۋ قيىنعا سوعاتىن تىعىز كەستەسى بار ادامدار ءۇشىن ىڭعايلى بالاما بولاتىنىن اتاپ ءوتتى.