ءبىز - بىرگەمىز، بەرىك ىرگەمىز

ترەنينگ تاقىرىبى: ءبىز - بىرگەمىز، بەرىك ىرگەمىز.
ساباقتىڭ ماقساتى: وقۋشىلار اراسىنداعى بايلانىستى نىعايتا وتىرىپ، ءبىرىن - ءبىرى كەڭىرەك تانىپ بىلۋگە، قاتىسۋشىلاردىڭ ءوز مۇمكىندىكتەرىن شامالاۋعا جانە قىس مەزگىلىندەگى شارشاعاندىقتارىن تومەندەتىپ، كوڭىل كۇيلەرىن كوتەرۋ.

1 - جاتتىعۋ
امانداسۋ جاتتىعۋى
قول الىسىپ امانداسۋ جاتتىعۋى تەك ەرەكشە تاسىلمەن. ول بىلاي جۇزەگە اسىرىلادى: قاتىسۋشى ەكى قولىمەن ءبىر ۋاقىتتا امانداسۋى ءتيىس، ءبىر قولىڭدى تەك امانداساتىن قاتىسۋشىنى تاپقان كەزدە عانا جىبەرۋگە بولادى. ويىن ءۇنسىز ءارى تەز ورىندالۋى كەرەك.
جاتتىعۋدىڭ ماقساتى: قاتىسۋشىلار اراسىندا بايلانىس ورناتۋ. قول الىسىپ امانداسۋ – ادام كوڭىلىنىڭ كەڭدىگىنىڭ سيمۆولدىق بەلگىسى. جاتتىعۋ ءۇنسىز ورىندالاتىندىقتان بايلانىس كوز ارقىلى جۇزەگە اسىرىلادى بۇل ىشكى جاعىمدى بايلانىستى نىعايتادى.

2 - جاتتىعۋ
قاتىسۋشىلار شەڭبەر قۇرىپ وتىرادى.
«كىم جىلدام» جاتتىعۋى
قاتىسۋشىلار شەڭبەر قۇرىپ وتىرادى. «اۋا، سۋ، جەر» دەگەن ءسوزدى ايتا وتىرىپ، دوپتى ءبىر - بىرىنە لاقتىرادى. دوپتى قاعىپ العان ادام «اۋا» دەگەن ءسوزدى ەستىگەن ادام قۇستاردىڭ، «سۋ» دەگەن ءسوزدى ەستىگەن كەزدە بالىقتاردىڭ، «جەر» دەگەندە اڭداردىڭ اتتارىن ايتۋى ءتيىس. ويىن شاپشاڭ وينالۋى ءتيىس.
جاتتىعۋدىڭ ماقساتى: وقۋشىنىڭ ويلاۋ قابىلەتىن جاقسارتۋ جانە شاپشاڭدىققا سىناۋ.

3 - جاتتىعۋ
«ءبىر وتىرىك، ءبىر شىندىق» جاتتىعۋى
ءجۇرۋ بارىسى: ءقازىر ءبىز ءوزىمىز ءبىر شىندىق پەن ءبىر وتىرىك ءوز ويىمىزدى ايتامىز. مىسالى: مەن ءمۇعالىممىن جانە دە مەنىڭ ۇشاعىم بار. ءوز ويىمىزدى ەركىن بولجامسىز جەتكىزۋىمىز قاجەت.
تالداۋ: شىندىق بۇل ءبىزدىڭ قازىرگى ءىس - ارەكەتىمىز، قازىرگى ءبىزدىڭ بەينەمىز، ال وتىرىك بۇل ءبىزدىڭ ارمانىمىز، ءوز قيالىمىزدىڭ جۇزەگە اسۋىن قالاپ جۇرگەن ويلارىمىز»
ءسىزدىڭ ويىڭىز قالاي؟

4 - جاتتىعۋ.
سەن ومىردە قاندايسىڭ؟
قاتىسۋشىلار شەڭبەر قۇرىپ وتىرادى.
جۇرگىزۋشىنىڭ قولىندا دوپ بولادى.
نۇسقاۋلىق: ءقازىر ءبىر بىرىمىزگە دوپتى بەرۋ ارقىلى دوپتى قاعىپ العان ادام: سەن ومىردە قاندايسىڭ؟ دەپ سۇراق قويادى قاعىپ العان ادام ءوز بويىنداعى جاقسى قاسيەتىن ايتادى. اركىم ءوز بويىنداعى جاقسى قاسيەتتەرىن ايتىپ شىعۋى كەرەك.