استانادان ۇشاتىن جولاۋشىلارعا اۋەجايعا الدىن الا شىعۋ ۇسىنىلدى. سەبەبى حالىقارالىق «بولاشاق ويىندارى — 2026» وتۋىنە بايلانىستى كەپتەلىس پەن جولداردىڭ ۋاقىتشا جابىلۋى كۇتىلۋدە، دەپ حابارلايدى infohub.kz.
29 شىلدەدەن باستاپ ەلوردانىڭ كەيبىر كوشەلەرىندە كولىك قوزعالىسى شەكتەلۋى مۇمكىن، ونىڭ ىشىندە اۋەجايعا اپاراتىن جولدار دا بار. FlyArystan اۋەكومپانياسى جولاۋشىلارعا جول جاعدايىن الدىن الا تەكسەرىپ، ساپارعا قوسىمشا ۋاقىت بولۋگە كەڭەس بەرەدى.
«اۋەجايعا ۋاقىتىلى كەلىپ، ۇشۋ الدىنداعى راسىمدەردەن اسىقپاي ءوتۋ ءۇشىن ىشكى رەيستەرگە ۇشار الدىندا كەمىندە ەكى ساعات، حالىقارالىق رەيستەرگە كەمىندە ءۇش ساعات بۇرىن جەتۋدى ۇسىنامىز»، — دەلىنگەن اۋەكومپانيانىڭ ءباسپاسوز قىزمەتىنىڭ حابارلاماسىندا.
FlyArystan كومپانياسى سونداي-اق جولاۋشىنىڭ اۋەجايعا ۋاقىتىلى كەلۋىنە ءوزى جاۋاپتى ەكەنىن ەسكە سالدى. كەپتەلىسكە بايلانىستى كەشىگۋ رەيستى كەشىكتىرۋگە نەگىز بولمايدى.
بۇعان دەيىن 29 شىلدە مەن 9 تامىز ارالىعىندا ەلوردالىق پوليسيانىڭ «بولاشاق ويىندارى – 2026» حالىقارالىق ءتۋرنيرى كەزىندە كۇشەيتىلگەن رەجيمدە جۇمىس ىستەيتىنى حابارلانعان بولاتىن. سيفرلىق تەحنولوگيالار مەن ءداستۇرلى سپورتتى ءبىرىڭعايلاستىراتىن جارىستارعا الەمنىڭ ۇزدىك سپورتشىلارى، حالىقارالىق دەلەگاسيالار، جانكۇيەرلەر مەن تۋريستەر كەلەدى دەپ كۇتىلۋدە.