ەكى شەتەلدىك جولاۋشى ۇشۋ كەزىندە تەمەكى شەككەنى ءۇشىن جاۋاپكەرشىلىككە تارتىلدى. وقيعالار سەۋل — الماتى جانە الماتى — شىمكەنت رەيستەرىندە بولعان، دەپ حابارلايدى infohub.kz سايتى.
ىشكى ىستەر مينيسترلىگىنىڭ ۆەدومستۆولىق سايتىندا حابارلانعانداي، سەۋل — الماتى رەيسىندە 56 جاستاعى شەتەلدىك ازامات اۆياسيا قاۋىپسىزدىگى تالاپتارىنا قاراماستان، ۇشاقتىڭ دارەتحاناسىندا تەمەكى شەككەن. ۇشۋ اياقتالعان سوڭ ول اكتى بويىنشا كولىك پوليسەيلەرىنە تاپسىرىلعان.
ۇقساس جاعداي الماتى — شىمكەنت ىشكى رەيسىندە دە ورىن العان. وندا ۇشۋ كەزىندە تەمەكى شەگۋگە تىيىم سالۋدى بۇزعان شەتەلدىك جولاۋشىلار انىقتالعان.
«بارلىق قۇقىق بۇزۋشىلار اۋە كەمەسىنىڭ بورتىندا تەمەكى ونىمدەرىن تۇتىنعانى ءۇشىن جاۋاپكەرشىلىككە تارتىلدى. كولىك پوليسەيلەرى اتاپ وتكەندەي، اۋە جانە تەمىرجول كولىگى نىساندارىندا ەرەجەلەردى ساقتاۋ — ەڭ الدىمەن بارلىق جولاۋشىلاردىڭ قاۋىپسىزدىگى ماسەلەسى»، — دەلىنگەن حابارلامادا.
جىل باسىنان بەرى كولىكتەگى پوليسيا دەپارتامەنتىنىڭ قىزمەتكەرلەرى اۋە جانە تەمىرجول كولىگى نىساندارىندا 62 639 قۇقىق بۇزۋشىلىقتىڭ جولىن كەستى. ولاردىڭ ىشىندە ەڭ كوپ تارالعاندارى — 4 575 الكوگولدىك ىشىمدىك ءىشۋ نەمەسە قوعامدىق ورىنداردا ماس كۇيىندە ءجۇرۋ فاكتىلەرى، 2 835 تەمەكى شەگۋگە تىيىم سالۋدى بۇزۋ فاكتىلەرى جانە باسقا دا قۇقىق بۇزۋشىلىقتار.