قانات بوزىمبايەۆ قازاقستان رەسپۋبليكاسى پرەمەر-مينيسترىنىڭ ورىنباسارى قىزمەتىن جالعاستىرادى. ءتيىستى جارلىققا ەل پرەزيدەنتى قاسىم-جومارت توقايەۆ قول قويدى، دەپ حابارلايدى infohub.kz سايتى.
اقوردانىڭ رەسمي حابارلاماسىندا: «مەملەكەت باسشىسىنىڭ جارلىعىمەن بوزىمبايەۆ قانات الدابەرگەن ۇلى قازاقستان رەسپۋبليكاسى پرەمەر-مينيسترىنىڭ ورىنباسارى بولىپ تاعايىندالدى»، — دەلىنگەن.
پرەمەر-مينيستر سايتىنداعى مالىمەتكە سايكەس، قانات بوزىمبايەۆ 1969 جىلى الماتىدا دۇنيەگە كەلگەن. ول قازاق مەملەكەتتىك باسقارۋ اكادەمياسىن بىتىرگەن.
ەڭبەك جولىن 1993 جىلى كوممەرسيالىق ۇيىمدا ەكونوميست بولىپ باستاعان. 1994-1997 جىلدارى الماتى اكىمىنىڭ كومەكشىسى قىزمەتىن اتقارعان. 1997 جىلى ساۋدا-وندىرىستىك بىرلەستىكتىڭ ەكونوميكالىق ماسەلەلەر جونىندەگى ديرەكتورى جانە ق ر ەكونوميكا جانە ساۋدا مينيسترلىگىنىڭ وڭىرلىك ساياسات ءبولىمىنىڭ باستىعى بولعان.
1997-1998 جىلدارى — «قازترانسويل» مۇناي تاسىمالداۋ ۇلتتىق كومپانياسى» اق-نىڭ جيىنتىق-قارجى دەپارتامەنتىنىڭ ديرەكتورى، ەكونوميكالىق ماسەلەلەر جونىندەگى ۆيسە-پرەزيدەنتى. 1998-2000 جىلدارى — ق ر ەنەرگەتيكا، يندۋستريا جانە ساۋدا مينيسترلىگىنىڭ مۇناي جانە گاز دەپارتامەنتىنىڭ ديرەكتورى.
2000 جىلى ق ر ەنەرگەتيكا، يندۋستريا جانە ساۋدا ءمينيسترىنىڭ ورىنباسارى بولدى. 2001 جىلى — «KEGOC» اق-نىڭ ءبىرىنشى ۆيسە-پرەزيدەنتى، ال 2001-2007 جىلدارى وسى كومپانيانىڭ پرەزيدەنتى قىزمەتىن اتقاردى. 2007-2008 جىلدارى «سامۇرىق» مەملەكەتتىك اكتيۆتەردى باسقارۋ جونىندەگى قازاقستاندىق حولدينگ» اق باسقارما ءتوراعاسى بولدى، كەيىن 2008-2009 جىلدارى «KEGOC» اق باسقارما ءتوراعاسى قىزمەتىنە قايتا ورالدى.
2009-2013 جىلدارى جامبىل وبلىسىنىڭ اكىمى، 2013-2016 جىلدارى پاۆلودار وبلىسىنىڭ اكىمى بولدى. 2016-2019 جىلدارى ق ر ەنەرگەتيكا ءمينيسترى قىزمەتىن اتقاردى. 2019-2021 جىلدارى — ق ر پرەزيدەنتىنىڭ كومەكشىسى. 2021-2022 جىلدارى — الماتى وبلىسىنىڭ اكىمى. 2023-2024 جىلدارى — ق ر پرەزيدەنتىنىڭ كەڭەسشىسى. 2024 جىلدىڭ 31 ناۋرىزىنان باستاپ ق ر پرەمەر-مينيسترىنىڭ ورىنباسارى بولىپ تابىلادى.