گولليۆۋد جۇلدىزدارى برەد پيتت پەن اندجەلينا دجولي اراسىنداعى Château Miraval فرانسۋز يەلىگىنە قاتىستى سوت داۋى شيەلەنىسە تۇسۋدە. اكتەر بۇرىنعى جۇبايىنان 2017-2021 جىلدار ارالىعىنداعى كينو كەلىسىمشارتتارى مەن تابىس قۇجاتتارىن ۇسىنۋدى تالاپ ەتتى، دەپ حابارلايدى infohub.kz سايتى.
ءپيتتتىڭ ايتۋىنشا، بۇل مالىمەتتەر ءدجوليدىڭ Stoli Group كومپانياسىنداعى ءوز ۇلەسىن ساتۋ سەبەپتەرى تۋرالى مالىمدەمەلەرىنىڭ شىندىققا ساي ەكەنىن تەكسەرۋگە كومەكتەسەدى. ءدجوليدىڭ ادۆوكاتتارى ءوز كەزەگىندە اكتريسانىڭ اجىراسۋ پروسەسى اياسىندا قارجىلىق ەسەپتىلىكتى تاپسىرعانىن ايتىپ، بۇرىنعى كۇيەۋىن جەكە ومىرگە قول سۇعۋ ارەكەتى دەپ ايىپتايدى.
اكتريسا تاراپى شاراپ زاۋىتىنداعى ۇلەستەن باس تارتۋ شەشىمى قارجىلىق قيىندىقتاردان ەمەس، پيتتپەن بارلىق قارجىلىق اكتيۆتەردى تولىق بولۋگە ۇمتىلۋدان تۋىنداعانىن العا تارتادى. ال ءپيتتتىڭ ءوزى مامىلە الدىن الا كەلىسىمدەردى بۇزا وتىرىپ، ونىڭ كەلىسىمىنسىز جاسالعان دەپ سانايدى. قازىرگى ۋاقىتتا سوت تالقىلاۋى جالعاسۋدا.