الەمدە مۇناي باعاسى قايتادان باررەلىنە 100 دوللاردان جوعارى كوتەرىلدى: 10 قىركۇيەكتە Investing.com دەرەكتەرى بويىنشا Brent ماركاسى 101 دوللاردان استام باعامەن ساۋدالانىپ جاتىر، ال 8 قىركۇيەكتە ورتاشا باعا 97 دوللار شاماسىندا بولعان، دەپ حابارلايدى infohub.kz سايتى.
باعانىڭ كۇرت وسۋىنە تاياۋ شىعىستاعى اسكەري قاقتىعىستىڭ تاعى دا ۋشىعۋى سەبەپ بولدى. ساراپشىلاردىڭ پىكىرىنشە، ترەيدەرلەر يران مەن اقش التى ايلىق قاقتىعىس باستالعاننان بەرگى ەڭ اۋقىمدى كەمە قاتىناسىنا شابۋىلدار جاساعاننان كەيىن مۇناي جەتكىزىلىمىندەگى تەرەڭىرەك ۇزىلىستەرگە دايىندالىپ جاتىر.
9 قىركۇيەكتە اقش يراننىڭ بەس مۇناي تانكەرىن جويعانىن مالىمدەدى، بۇعان دەيىن يسلام رەۆوليۋسياسىنىڭ ساقشىلار كورپۋسى (يرسك) امەريكاندىق اسكەري كەمەگە شابۋىل جاساعان بولاتىن. جاۋاپ رەتىندە يرسك ورمۋز بۇعازى ماڭىندا ەكى امەريكاندىق كەمە مەن سەگىز تانكەرگە سوققى بەردى.
ناتيجەسىندە Brent باعاسى تامىز ايىنىڭ باسىنان بەرى شامامەن 30%-عا ءوستى، سەبەبى اقش پەن يران اراسىندا شابۋىلداردى توقتاتۋ تۋرالى تۇراقتى كەلىسىمگە قول جەتكىزىلمەدى، ال ايدىڭ سوڭىندا اسكەري قيمىلدار قايتا جانداندى.
سونىمەن قاتار، مۇنايدىڭ قىمبات باعاسى قازاقستانعا بەلگىلى ءبىر دارەجەدە پايدالى بولۋى مۇمكىن. «قازينفورم» ما حابارلاعانداي، بۇعان دەيىن ۇلتتىق بانك ءتوراعاسى مۇنايدىڭ جوعارى باعاسى ەل نارىعىنا تۇسەتىن ۇلكەن ۆاليۋتالىق ءتۇسىم اكەلەتىنىن، ول تەڭگە باعامىنا وڭ اسەر ەتەتىنىن اتاپ وتكەن.
الايدا بۇعان دەيىن ساراپشىلار تەڭگە باعامىنا تەك قىمبات مۇناي عانا ەمەس، سىرتقى قارىزدار مەن التىننىڭ قۇنى دا اسەر ەتەتىنىن ەسكەرتكەن.