نيۋ-يورك پوليسياسى برۋكلين كوپىرىنە قازاقستاننىڭ مەملەكەتتىك تۋىن قوسا العاندا، بىرنەشە تۋ ءىلىپ، سودان كەيىن شەشىنىپ، يست-ريۆەرگە سەكىرگەن ەر ادامنىڭ جەكە باسىن انىقتادى. ول 44 جاستاعى بلوگەر گالىمجان ابايلدايەۆ بولىپ شىقتى، دەپ حابارلايدى infohub.kz سايتى.
ەر ادام برۋكليندە تۇرادى. وقيعادان كەيىن ونى نيۋ-يورك سۋ پوليسياسىنىڭ قىزمەتكەرلەرى قۇتقارىپ، اۋرۋحاناعا جەتكىزدى، سودان كەيىن وعان ءقاۋىپتى جاعداي تۋعىزۋ، زاڭسىز كىرۋ، قوعامدىق ءتارتىپتى بۇزۋ، گراففيتي سالۋ جانە قوعامدىق ورىندا ادەپسىز مىنەز-ق ۇلىق كورسەتۋ ايىپتارى تاعىلدى.
New York Post باسىلىمى ەر ادامنىڭ كورشىسىنە سىلتەمە جاساپ، وقيعادان ءسال بۇرىن ابايلداەۆتىڭ كوپىردەن سەكىرۋ نيەتى تۋرالى ايتقانىن، ال وقيعانىڭ ءوزى ونىڭ تۋعان كۇنىندە بولعانىن جازادى.
الەۋمەتتىك جەلىلەردەگى اشىق اككاۋنتتارعا قاراعاندا، ابايلدايەۆ ساياسي بلوگ جۇرگىزىپ، وندا قازاقستان تۋرالى ۆيدەولاردى تۇراقتى جاريالاپ وتىرعان. سونىمەن قاتار، ونىڭ كونتەنتىنىڭ باسىم بولىگى وتە ەكسەنتريكتى كورىنگەن. ول جەلىدە مانگۋرت ماگدي دەگەن بۇركەنشىك اتتى دا قولدانعان.
بۇل ارەكەتتىڭ رەسمي سەبەبى ازىرگە بەلگىسىز. شەتەلدىك ب ا ق بۇل وقيعانى ەر ادامنىڭ ساياسي كوزقاراستارىمەن بايلانىستىرعانىمەن، نيۋ-يورك پوليسياسى اكسيانىڭ سەبەپتەرىن اتامادى، ال ابايلداەۆتىڭ ءوزى ۇستالعاننان كەيىن ەشقانداي تۇسىنىكتەمە بەرمەدى.
بۇعان دەيىن «كۋرسيۆ» ەر ادامنىڭ برۋكلين كوپىرىنە قازاقستان تۋىن قوسا العاندا، بىرنەشە تۋ ءىلىپ، سودان كەيىن شامامەن 85 مەتر بيىكتىكتەن يست-ريۆەرگە سەكىرگەنىن جازعان بولاتىن. قۇلاعانىنا قاراماستان، ول ءتىرى قالدى. ونى نيۋ-يورك سۋ پوليسياسىنىڭ قىزمەتكەرلەرى جەدەل قۇتقاردى.