قازاقستاندىق اۆتوبلوگەر تيمۋر مۇستافايەۆ ۇلكەن گيبريدتى كروسسوۆەر BYD Atto 8ء-دىڭ ناقتى ءجۇرىس قورىن تەكسەردى. العاشقى سىناق الماتى – استانا باعىتىندا ءوتتى: كولىك تولىق باكپەن جانە تولىق زاريادتالعان باتارەيامەن جولعا شىقتى، دەپ حابارلايدى infohub.kz سايتى.
سىناق شارتى بويىنشا تولىق باك پەن باتارەيا زاريادى شامامەن 1017 كم جۇرۋگە جەتۋى ءتيىس ەدى. الايدا 850 كم بەلگىسىندە كولىك باتارەيانىڭ زاريادى از ەكەنىن ەسكەرتىپ، قۋاتىن شەكتەدى، ال بىرنەشە شاقىرىمنان كەيىن توقتاپ قالدى.
قورىتىندىلاي كەلە، Atto 8 جانارماي قۇيۋعا دەيىن 865 كم ءجۇردى. باكتا شامامەن 1،6 ل وتىن قالدى، ال باتارەيا زاريادى 4% بولدى. جالپى شىعىن 100 كم-گە 6 ل بەنزين جانە 9،7 كۆت·ساع ەلەكتر ەنەرگياسىن قۇرادى.
مۇستافايەۆ ءجۇرىس قورى پايدالانۋ جاعدايلارىنا بايلانىستى ەكەنىن اتاپ ءوتتى: جىلدامدىق، تەمپەراتۋرا، كولىكتىڭ جۇكتەلۋى، جۇرگىزۋ ءستيلى جانە كليماتتىق جۇيەنىڭ جۇمىسى.
ءبىرىنشى باعىتتا ناتيجەگە قارسى جەل مەن جوعارى تەمپەراتۋرا اسەر ەتتى – كۇندىز اۋا 35 °C-قا دەيىن قىزدى. سونىمەن قاتار كليمات-باقىلاۋ جۇمىس ىستەدى، سالوندا ەكى ادام جانە جۇك بولدى.
ەكىنشى ولشەۋدى اۆتوبلوگەر قاراعاندى – الماتى باعىتىندا جۇرگىزدى. بۇل جولى Atto 8 تولىق باكپەن جانە 88% باتارەيا زاريادىمەن ستارت الدى.
الماتىعا دەيىن كولىك ءبىر باكپەن 923 كم ءجۇردى. سوڭعى 50 كم بەنزين پايدالانىلمادى – كروسسوۆەر قالعان زاريادپەن ءجۇرۋدى جالعاستىردى. وتىن شىعىنى 100 كم-گە شامامەن 6،6 ل بولدى. مۇستافاەۆتىڭ پىكىرىنشە، ءىرى گيبريد ءۇشىن بۇل كورسەتكىش جەتكىلىكتى ۇنەمدى كورىنەدى.
BYD Atto 8 قازاقستاندا ەكى ەلەكتر قوزعالتقىشى جانە 1،5 ليترلىك تۋربوموتورى بار DM-P گيبريدتى جۇيەسىن الدى. جالپى قۋاتى 544 ا.ك.، ال 100 كم/ساع-قا دەيىن ۇدەۋى 4،9 سەكۋند دەپ مالىمدەلگەن.
سىناق كەزىندە كروسسوۆەر 100 كم/ساع-قا شامامەن 4،8 سەكۋندتا جەتتى، شيرەك ءميلدى 13 سەكۋندتان از ۋاقىتتا ءوتتى، ال ەڭ جوعارى جىلدامدىعى شامامەن 200 كم/ساع بولدى.
مۇستافايەۆ گيبريدتى جۇيە تىزبەكتەي جانە پاراللەل رەجيمدەردە جۇمىس ىستەي الاتىنىن اتاپ ءوتتى. جوعارى جۇكتەمە كەزىندە بەنزين قوزعالتقىشى باتارەيانى زاريادتاپ قانا قويماي، الدىڭعى دوڭگەلەكتەرگە تارتۋ كۇشىن بەرەدى. مۇنداي سحەما زارياد ازايعاننان كەيىن دە قوزعالىستى جالعاستىرۋعا مۇمكىندىك بەرەدى، سوندىقتان مودەلدىڭ نەگىزگى ەرەكشەلىگى ءدال ۇزاق ساپارلاردا كورىنەدى.
قورىتىندىلاي كەلە، سىناق گيبريدتىڭ پاسپورتتىق ءجۇرىس قورىن كەپىلدەندىرىلگەن ناتيجە رەتىندە قابىلداۋعا بولمايتىنىن كورسەتتى. ناقتى پايدالانۋدا ول كوپتەگەن فاكتورلارعا بايلانىستى جانە مالىمدەلگەننەن تومەن بولۋى مۇمكىن.
بۇعان دەيىن كۋرسيۆ اۆتو BYD قازاقستاندا ءۇش جاڭا گيبريدكە الدىن الا تاپسىرىس اشقانىن حابارلاعان.