Pew Research Center زەرتتەۋىنە سايكەس، ChatGPT 2022 جىلدىڭ قاراشا ايىندا ىسكە قوسىلعاننان كەيىن جاريالانعان ۆەب-پاراقشالاردىڭ 35 پايىزدان استامى جاساندى ينتەللەكتتىڭ قاتىسۋىمەن جاسالعان، دەپ حابارلايدى infohub.kz.
ساراپشىلار Common Crawl مۇراعاتىن تالداپ، سوڭعى بەس جىلداعى جارتى ميلليونعا جۋىق اعىلشىن تىلىندەگى پاراقشالاردى جيناپ، ولاردى Pangram قىزمەتىنىڭ الگوريتمدەرىمەن تەكسەرگەن. ناتيجەسىندە، ChatGPT شىققاننان كەيىن جاسالعان ماتەريالداردىڭ ىشىندە يي قاتىسقان پاراقشالاردىڭ ۇلەسى 35 پايىزعا جەتكەنى انىقتالدى.
ەسەپ اۆتورلارى گەنەراتيۆتى كونتەنتتىڭ ءتان ستيليستيكالىق بەلگىلەرىن دە اتاپ ءوتتى. ماتىندەردە ۇزىن سىزىقشالاردىڭ، وكسفورد ۇتىرلەرىنىڭ جانە ەرەكشە ءسوز تىركەستەرىنىڭ قولدانىلۋى ايتارلىقتاي ارتقان. سونىمەن قاتار، .com كوممەرسيالىق دومەندەرىندە يي جاساعان ماتىندەر ءبىلىم بەرۋ جانە مەملەكەتتىك سايتتارعا قاراعاندا ون ەسە ءجيى كەزدەسەدى.