سوڭعى 20 جىلدا اۋاداعى كومىرقىشقىل گازىنىڭ كونسەنتراسياسىنىڭ ارتۋى ادام قانىنىڭ بيوحيمياسىندا وزگەرىستەرگە اكەلگەنىن اۆستراليالىق زەرتتەۋشىلەر انىقتادى. «Air Quality، Atmosphere and Health» جۋرنالىندا جاريالانعان دەرەكتەرگە سايكەس، قانداعى گيدروكاربونات دەڭگەيى جوعارىلاپ، كالسي مولشەرى تومەندەگەن، دەپ حابارلايدى infohub.kz سايتى.
اۆستراليانىڭ بالالار زەرتتەۋ ينستيتۋتىنىڭ دوسەنتى الەكساندر لاركۋم ارىپتەستەرىمەن بىرگە 1999 جىلدان باستاپ اقش-تىڭ جەتى مىڭنان استام تۇرعىنىنىڭ مەديسينالىق كورسەتكىشتەرىن تالدادى. جيىرما جىل ىشىندە قاتىسۋشىلاردىڭ قانىنداعى گيدروكاربوناتتىڭ ورتاشا دەڭگەيى شامامەن 7 پايىزعا وسكەنى انىقتالدى، بۇل اتموسفەراداعى كومىرقىشقىل گازىنىڭ ءوسۋ ديناميكاسىن كورسەتەدى. سونىمەن قاتار، اعزاداعى كالسي مەن فوسفور كورسەتكىشتەرى تومەندەگەن.
گيدروكاربونات قىشقىل-سىلتىلىك تەپە-تەڭدىكتى ساقتاۋ ءۇشىن قاجەت. ونى جيناقتاي وتىرىپ، اعزا ارتىق كومىرقىشقىلدى وتەپ، رن دەڭگەيىن تۇراقتى ۇستايدى. زەرتتەۋ اۆتورلارى قازىرگى ءۇردىس ساقتالسا، الداعى 50 جىلدا گيدروكاربونات كورسەتكىشى نورمانىڭ جوعارعى شەگىنە جاقىنداۋى مۇمكىن ەكەنىن ەسكەرتەدى.
زەرتتەۋشىلەر اتموسفەراداعى CO2 ءوسۋىن تەك كليماتتىڭ وزگەرۋ فاكتورى رەتىندە عانا ەمەس، ادام دەنساۋلىعىنا ۇزاق مەرزىمدى ءقاۋىپ رەتىندە دە قاراستىرۋعا شاقىرادى.