كاسىپكەر قايرات بورانباەۆقا تيەسىلى بولعان Comfort Hotel Astana ءقوناقۇيى 2025 جىلدىڭ قورىتىندىسى بويىنشا 16،9 ملن تەڭگە پايدا تاپتى. بۇل وتكەن جىلعى كورسەتكىشتەن 26%-عا ارتىق. ءقوناقۇي كەشەنىنىڭ ءتۇسىمى 1،25 ملرد تەڭگەگە جەتىپ، 10%-عا ءوستى، دەپ حابارلايدى infohub.kz سايتى.
ءقوناقۇي نەگىزگى تابىستى جەكە تۇلعالاردىڭ تۇرۋىنان — 446 ملن تەڭگە، بۇل وتكەن جىلمەن سالىستىرعاندا 2،7 ەسە كوپ، — جانە مەيرامحانا جۇمىسىنان — 228 ملن تەڭگە الدى. ال زاڭدى تۇلعالاردىڭ تۇرۋىنان تۇسكەن ءتۇسىم، كەرىسىنشە، ەكى ەسە قىسقارىپ، 199 ملن تەڭگەگە دەيىن ازايدى.
قىزمەتتەردىڭ وزىندىك قۇنى ازداپ — 4،8%-عا ءوسىپ، 914،5 ملن تەڭگە بولدى. شىعىستاردىڭ نەگىزگى بابى قارجىلىق اكتيۆتەردىڭ امورتيزاسياسى — 220،6 ملن تەڭگە. اكىمشىلىك شىعىستار ايتارلىقتاي وسپەي، 231 ملن تەڭگەنى قۇرادى.
2025 جىلدىڭ سوڭىندا ءقوناقۇيدىڭ اكتيۆتەرى 3،9 ملرد تەڭگەگە جەتتى. ولاردىڭ قىسقا مەرزىمدى بولىگى نەگىزىنەن اقشا قاراجاتى قالدىعىنىڭ 55%-عا ءوسۋى ەسەبىنەن — 649 ملن تەڭگەگە دەيىن ۇلعايدى. ۇزاق مەرزىمدى اكتيۆتەردىڭ ىشىندە نەگىزگى ۇلەستى كەزەڭ سوڭىندا 2،8 ملرد تەڭگەگە باعالانعان ءقوناقۇي عيماراتى مەن قۇرىلىستار قۇرادى؛ ولاردىڭ باستاپقى قۇنى 3،2 ملرد تەڭگە ەدى. ءقوناقۇيدىڭ مىندەتتەمەلەرى 17،8 ملن تەڭگەگە تەڭ.
2025 جىلدىڭ تامىزىندا ءقوناقۇي ءوزىنىڭ جالعىز اكسيونەرى — استانانىڭ ينۆەستيسيالار جانە كاسىپكەرلىكتى دامىتۋ باسقارماسىنا — ديۆيدەند رەتىندە 9،4 ملن تەڭگە تولەدى. بۇل 2024 جىلعى پايدانىڭ 70%-ى.
2023 جىلدىڭ كۇزىنە دەيىن Comfort Hotel Astana بەلگىلى كاسىپكەر قايرات بورانباەۆقا تيەسىلى بولدى. 2023 جىلدىڭ قىركۇيەگىندە بورانبايەۆ 14،5 ملرد تەڭگەنى جىمقىرعانى جانە زاڭداستىرعانى ءۇشىن التى جىلعا باس بوستاندىعىنان ايىرىلدى. كوپ ۇزاماي باس بوستاندىعىنان ايىرۋ جازاسى باس بوستاندىعىن شەكتەۋگە اۋىستىرىلدى، ال كاسىپكەر ءوزىنىڭ كوپتەگەن اكتيۆتەرىن، سونىڭ ىشىندە ءقوناقۇيدى دە مەملەكەتكە وتكىزدى. مەملەكەتكە وتكىزىلگەن كەزدە Comfort Hotel Astana قۇنى 1،4 ملرد تەڭگەگە باعالانعان بولاتىن.
Comfort Hotel Astana ەكى رەت اۋكسيونعا شىعارىلدى. 2024 جىلدىڭ مامىرىندا اۋكسيون قورىتىندىسى بويىنشا ءقوناقۇي Invesco PowerShares Capital Management كومپانياسىنا بەس جىل مەرزىمگە ساتىپ الۋ قۇقىعىمەن سەنىمگەرلىك باسقارۋعا بەرىلدى. بۇل رەتتە ءقوناقۇي 3،9 ملرد تەڭگەگە باعالاندى. ءقوناقۇيدىڭ ناقتى يەسى ءالى دە استانا اكىمدىگى بولىپ قالا بەرەدى.
2026 جىلدىڭ ساۋىرىندە استانانىڭ ينۆەستيسيالار جانە كاسىپكەرلىكتى دامىتۋ باسقارماسىنىڭ باسشىسى حال ەل اقىمجانوۆ وسى جىلدىڭ سوڭىنا دەيىن باسقارۋشى ءقوناقۇيدى ساتىپ الا الاتىنىن، ايتپەسە ول قايتادان اۋكسيونعا شىعارىلاتىنىن مالىمدەگەن ەدى.