قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ ۇلكەن قىزى داريعا نازارباەۆا Forbes جۋرنالىنىڭ 2026 جىلعى ەڭ باي قازاقستاندىقتار تىزىمىندە 20-ورىنعا ءتۇسىپ قالدى. ونىڭ بايلىعى 550 ميلليون دوللارعا باعالانعان. بۇل كورسەتكىش وتكەن جىلمەن سالىستىرعاندا تومەندەگەن. 2025 جىلى داريعا نازارباەۆا 17-ورىندا بولىپ، 571 ميلليون دوللار كولەمىندەگى كاپيتالىمەن ەرەكشەلەنگەن ەدى. باسىلىم بۇل وزگەرىستىڭ ناقتى سەبەپتەرىن جاريالامادى.
بۇل تۋرالى Infohub.kz اقپارات اگەنتتىگى حابارلايدى.
بيزنەس يمپەرياسى
داريعا نازارباەۆا ۇلى نۇرالى اليەۆپەن بىرگە «ەۆروپا پليۋس قازاقستان» جانە «نەزاۆيسيمىي تەلەۆيزيوننىي كانال» (نتك) كومپانيالارىنا يەلىك ەتەدى. سونىمەن قاتار، «DLS Group» حولدينگى ارقىلى «رەگيون-مەديا»، «نارۋجنايا رەكلاما-رەگيونى» جانە «تەلەفابريكا «دالا» كومپانيالارىندا دا ۇلەسى بار.
دينارا ق ۇلىباەۆانىڭ تابىسى
ال داريعا نازارباەۆانىڭ ءسىڭلىسى دينارا ق ۇلىباەۆا بيىلعى تىزىمدە ءۇشىنشى ورىنعا كوتەرىلىپ، 5،4 ميلليارد دوللار بايلىقپەن باعالاندى. وتكەن جىلى ول ءتورتىنشى ورىندا بولعان ەدى (5،3 ملرد دوللار). دينارا ق ۇلىباەۆا جۇبايى تيمۋر ق ۇلىباەۆپەن بىرگە «المەكس» حولدينگى ارقىلى Halyk Bank اكسيالارىنىڭ 61،99%-ىنا يەلىك ەتەدى.