قازاقستان ۇكىمەتىندە كادرلىق وزگەرىس: دارحان مىرزابايەۆ ونەركاسىپ جانە قۇرىلىس ۆيسە-مينيسترى بولىپ تاعايىندالدى، دەپ حابارلايدى infohub.kz سايتى.
قازاقستان رەسپۋبليكاسى ۇكىمەتىنىڭ قاۋلىسىمەن مىرزابايەۆ دارحان تلەۋبەردى ۇلى ونەركاسىپ جانە قۇرىلىس ۆيسە-مينيسترى لاۋازىمىنا تاعايىندالدى، دەپ مالىمدەدى ۇكىمەتتىڭ ءباسپاسوز قىزمەتى.
جاڭا ۆيسە-مينيستر 1989 جىلى پاۆلودار وبلىسىندا دۇنيەگە كەلگەن. ول ك. ساتبايەۆ اتىنداعى قازاق ۇلتتىق تەحنيكالىق ۋنيۆەرسيتەتىن، مۇناي جانە ەنەرگيا كوزدەرىنىڭ ۇلتتىق جوعارى مەكتەبىن (فرانسيا)، رەسەي فەدەراسياسى ۇكىمەتىنىڭ جانىنداعى قارجى ۋنيۆەرسيتەتىن، سونداي-اق قىتاي-ەۋروپا حالىقارالىق بيزنەس مەكتەبىن بىتىرگەن.
دارحان مىرزابايەۆ ەڭبەك جولىن الماتىداعى «PGS Kazakhstan» جشس-دە گەوفيزيك-ستاجەر بولىپ باستاعان. 2012–2015 جىلدارى لوندونداعى Schlumberger Ltd كومپانياسىندا اعا دالالىق گەوفيزيك بولىپ جۇمىس ىستەگەن. 2015–2019 جىلدارى «تارباعاتاي مۇناي» ج ش س بارلاۋ جانە يگەرۋ دەپارتامەنتىندە كىشى ينجەنەر جانە كەن ورىندارىن يگەرۋ ينجەنەرى لاۋازىمدارىن اتقارعان. 2020 جىلى Amazon EU S.A.R.L كومپانياسىنىڭ باعدارلاما مەنەدجەرى بولعان.
2021–2022 جىلدارى «ەرنست ەند يانگ كونسۋلتاسيالىق قىزمەتتەر» جشس-دە اعا كەڭەسشى بولىپ جۇمىس ىستەگەن. 2022–2023 جىلدارى پاۆلودار وبلىسىنىڭ سيفرلىق تەحنولوگيالار باسقارماسىنىڭ باسشىسى مىندەتىن اتقارۋشى جانە باسشىسى لاۋازىمدارىن اتقارعان. 2023 جىلى «CSI Stat» ءجشس-نىڭ مەنەدجەرى بولعان. 2024 جىلى سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ يننوۆاسيالاردى دامىتۋ دەپارتامەنتىنىڭ ديرەكتورى مىندەتىن اتقارۋشى، سودان كەيىن ديرەكتورى بولىپ تاعايىندالعان. 2024–2025 جىلدارى سول مينيسترلىكتىڭ جاساندى ينتەللەكت جانە يننوۆاسيالاردى دامىتۋ كوميتەتى ءتوراعاسىنىڭ ورىنباسارى بولعان.
2025 جىلعى قازاننان باستاپ جاڭا تاعايىنداۋعا دەيىن ۇكىمەت اپپاراتىنىڭ جاساندى ينتەللەكت جانە سيفرلىق ترانسفورماسيا ءبولىمىن باسقارعان.