«بەرنليدىڭ» 18 جاستاعى قازاقستاندىق شابۋىلشىسى داستان ساتپايەۆ چەمپيونشيپتە «ميدلسبروعا» قارسى وتكەن ماچتىڭ ۇزدىك ويىنشىسى رەسمي تۇردە تانىلدى. «تەرف مۋر» ستاديونىندا وتكەن كەزدەسۋ 1:1 ەسەبىمەن تەڭ اياقتالدى، دەپ حابارلايدى infohub.kz سايتى.
ساتپايەۆ قاتارىنان ءۇشىنشى رەت نەگىزگى قۇرامدا الاڭعا شىعىپ، 80 مينۋت وينادى دا، 81-مينۋتتا تريبۋنانىڭ قوشەمەتىمەن اۋىستىرىلدى. وسى ۋاقىت ىشىندە شابۋىلشى كوماندانىڭ ءۇش سوققىسىنىڭ ەكەۋىن قاقپاعا ءدال باعىتتادى. ءقاۋىپتى ساتتەردىڭ ءبىرى 14-مينۋتتا بولدى — قاقپاشى ونىڭ الىستان سوققان دوپتى ارەڭ قايتاردى. ەكىنشى تايمدا داستان قاقپاشىمەن جەكە شىقتى، ءبىراق قارسىلاس قاقپاشىسى تاعى دا قۇتقارىپ قالدى.
ساتپاەۆتىڭ پاس دالدىگى 94% قۇرادى (18 ارەكەتتىڭ 17ء-سى ءدال). جەكە تۇرىستا ول 4 دۋەلدىڭ 3-ىندە جەڭىسكە جەتىپ، ءبىر رەت دوپتى ءساتتى الىپ بەردى.
ماچتىڭ ءوزى وڭاي بولعان جوق: «ميدلسبرو» 23-مينۋتتا ەيدەن ءمورريستىڭ كۇشىمەن ەسەپ اشتى، الايدا 54-مينۋتتا يۋگو راگۋبەر پاسىنان كەيىن ءۇي يەلەرى ەسەپتى تەڭەستىردى. ءتورت تۋردان كەيىن «بەرنلي» ەكى ۇپاي جيناپ، تۋرنير كەستەسىندە سوڭعىدان ەكىنشى، 23-ورىندا تۇر. كەلەسى ماچتى كوماندا 5 قىركۇيەكتە «بريستول سيتيگە» قارسى وتكىزەدى.