قازاقستان قۇراماسىنىڭ شابۋىلشىسى داستان ساتپايەۆ كارەراسىن اعىلشىندىق «بەرنليدە» جالعاستىرادى، دەپ حابارلايدى infohub.kz سايتى.
لوندوندىق «چەلسي» فۋتبولشىنىڭ الماتىلىق «قايراتتان» اۋىسقانىن رەسمي تۇردە جاريالادى، سەبەبى 12 تامىزدا ول 18 جاسقا تولدى. سول كۇنى «چەلسي» ساتپاەۆتىڭ الداعى ماۋسىمدى «بەرنليدە» جالعا وتكىزەتىنىن راستادى.
«بوردو» تۇستىلەر وتكەن ماۋسىمدا انگليا پرەمەر-ليگاسىندا 19-ورىن الىپ، چەمپيونشيپكە ءتۇسىپ قالدى. جاڭا ماۋسىمدا «بەرنلي» 16 تامىزدا لوندوندىق «ۆەست حەمگە» قارسى ۇيدەگى ويىنمەن باستايدى.
ساتپاەۆتىڭ اۋىسۋى بەينەروليك ارقىلى تانىستىرىلدى. سودان كەيىن «بەرنلي» «چەلسيمەن» ماۋسىمدىق جالداۋ كەلىسىمىن راستادى.
ساتپايەۆ ماۋسىم الدىنداعى دايىندىقتىڭ كوپ بولىگىن «چەلسيدە» وتكىزدى. حالىقارالىق تۋردىڭ العاشقى ويىنىندا ول لوندوندىقتار ساپىنداعى العاشقى گولىن اۆستراليالىق «ۆەستەرن سيدنەي ۋوندەرەرس» قاقپاسىنا سوقتى.