رەسەيلىك مەديامەنەدجەر، قازاقستاننىڭ ەڭبەك سىڭىرگەن قايراتكەرى ارمان داۆلەتياروۆ گروزنىيعا بارىپ، ساپار اسەرىمەن Instagram پاراقشاسىندا ءبولىستى، دەپ حابارلايدى infohub.kz سايتى.
56 جاستاعى داۆلەتياروۆ شەشەنستانعا، گروزنىي قالاسىنا ءاردايىم قۋانا باراتىنىن اتاپ ءوتتى.
«مۇندا ءبىزدى، قازاقتاردى، ەرەكشە جىلىلىقپەن قارسى الادى، بۇل مەنى قاتتى تولقىتادى. ءبىراز ۋاقىت بۇرىن شەشەن ءتىلىن ونلاين ۇيرەنە باستادىم. ال ءقازىر سويلەسۋگە جاتتىعاتىن ءدال ۋاقىتى. بۇدان ۇلكەن ءلاززات الامىن! شەشەن حالقىنىڭ مادەنيەتىن، داستۇرلەرىن زەرتتەپ ءجۇرمىن. سوندىقتان بۇل جولى مۇندا ەرەكشە قىزىعۋشىلىقپەن جانە قۇرمەتپەن كەلدىم. شەشەندەردى سەنىمدەرىن، ءتىلىن، مادەنيەتىن قالاي ۇقىپتى ساقتاپ، بالالارى مەن نەمەرەلەرىنە جەتكىزىپ جاتقانى ءۇشىن قاتتى قۇرمەتتەيمىن. مۇندا ءار قادام سايىن حالىقتىڭ ءوز مىنەزىن، ءوز گەنەتيكالىق كودىن ساقتاپ قالعانى سەزىلەدى. ءوز تامىرىن وسىلايشا باعالايتىن حالىقتىڭ بولاشاعى بار. قازاق پەن شەشەن — ماڭگىلىك باۋىر!» — دەدى مەديامەنەدجەر.
جازىلىمشىلار جاريالانىمعا جىلى پىكىرلەر جازىپ جاۋاپ بەردى. «مەن شەشەنمىن، قازاقستاندا دۇنيەگە كەلدىم. ءقازىر شەشەنستاندا تۇرامىن. قازاقتاردى كورگەندە، باقىتتى، مەيىرىمدى، شۋاقتى بالالىق شاعىمنان تۋعانداي تۇسىنىكسىز سەزىم پايدا بولادى!»، «ءسىزدى ءوز وتانىڭىزدا كورگەن قانداي جاعىمدى»، «گروزنىي قالاسىنا قوش كەلدىڭىز!» — دەپ جازدى ولار.