بىردەن 35 ءۇندىستان ازاماتى قازاقستاننان شىعارىلدى. بۇل تۋرالى infohub.kz سايتى حابارلايدى.
الماتى قالالىق پوليسيا دەپارتامەنتى ەلدە زاڭسىز جۇرگەن 35 ءۇندىستان ازاماتىنىڭ دەپورتاسيالانعانىن مالىمدەدى. ولاردىڭ بارلىعى رۇقسات ەتىلگەن مەرزىمنەن اسىپ، قازاقستان اۋماعىندا زاڭدى نەگىزسىز قالۋدى جالعاستىرعان.
ماقساتتى ءىس-شارالار بارىسىندا الماتى قالالىق پوليسيا دەپارتامەنتىنىڭ كوشى-قون قىزمەتى قىزمەتكەرلەرى شەتەلدىكتەردىڭ ورنالاسقان جەرىن انىقتاپ، ولاردى ۇستادى. سوت شەشىمىمەن بارلىق بۇزۋشىلار قازاقستان رەسپۋبليكاسىنان شىعارىلدى. پوليسيا قىزمەتكەرلەرى ولاردىڭ اۋەجايداعى شەكارالىق جانە پاسپورتتىق باقىلاۋدان وتۋىنە دەيىن كەتۋ ءراسىمىن سۇيەمەلدەدى.
سونىمەن قاتار، بەلگىلەنگەن مەرزىم اياقتالعاننان كەيىن شەتەلدىك ازاماتتاردىڭ ەلدەن كەتۋىنە ۋاقتىلى شارا قولدانباعان قابىلداۋشى تاراپ وكىلدەرى اكىمشىلىك جاۋاپكەرشىلىككە تارتىلدى.