قازاقستاننىڭ حالىق ءارتىسى ديماش قۇدايبەرگەن "DiMENSIONS" دەپ اتالاتىن جاڭا الەمدىك گاسترولدىك تۋردى باستاۋعا دايىندالۋدا. ۇيىمداستىرۋشىلار جوبانىڭ باستى ماقساتى مەن العاشقى كونسەرت كۇندەرىن جاريالادى، دەپ حابارلايدى infohub.kz سايتى.
ءارتىس رەسمي سايتىندا اتاپ وتىلگەندەي، ديماشتىڭ جاڭا "DiMENSIONS" جوباسى — بۇل ۋاقىت پەن كەڭىستىكتەگى ساياحات ەمەس، ونىڭ تۇلعاسىن قورشاعان الەم پريزماسى ارقىلى اشۋ ارەكەتى. تۋر جانكۇيەرلەرگە ديماشتى تەك بىرەگەي داۋىس يەسى ءارتىس رەتىندە عانا ەمەس، سونىمەن قاتار كوپ قىرلى تۇلعا رەتىندە كورۋگە مۇمكىندىك بەرەدى. ول — شىعارماشىلىقتا ءانشى، كومپوزيتور جانە پروديۋسەر، ال ساحنا سىرتىندا — ءوزىنىڭ ەڭ شىنايى كورىنىسىندەگى ادام.
"بۇل قىرلار ونىڭ ءار ونەر كورسەتۋىنە ەنگىزەتىن كۇشى مەن جارىعىندا، مادەني تامىرىنا ادالدىعى مەن سىرتقى ۇستامدىلىقتىڭ ارتىندا جاسىرىلعان جان جىلۋىندا؛ ءومىر جولىندا جيناقتالعان وي-تولعاۋلاردا جانە ءوزىن ۇزدىكسىز تانۋعا ۇمتىلىسىندا اشىلادى"، — دەلىنگەن تۋر انونسىندا.
ديماش ءوزىنىڭ ىشكى الەمىن ساحناداعى ەموسيالار مەن ەستەلىكتەر ارقىلى اشادى. كورەرمەندەر الدىندا ونىڭ تۇلعاسىنىڭ تۇتاس بەينەسى پايدا بولادى: وتانعا دەگەن سۇيىسپەنشىلىك، شىنايى سەزىمدەر، ومىرلىك پرينسيپتەر، جاڭا بيىكتەرگە ۇمتىلىس جانە ونىڭ شىنايى "مەنى" بىرىكتىرىلگەن.
انونسقا سايكەس، بيىلعى كۇزدە ديماش كراكوۆ، ديۋسسەلدورف، مادريد، مەريدا جانە الەمنىڭ باسقا قالالارىندا كونسەرت بەرەدى. تۋر ۇيىمداستىرۋشىلارىنىڭ ۋادەسىنشە، افيشا جاڭا ەلدەر مەن كونسەرت كۇندەرىمەن تولىعادى. ەسكە سالايىق، ديماش ءانىن ءوزى جازعان مۋزىكامەن تانىستىرعان بولاتىن.