قازاقستاندىق ءانشى ديماش قۇدايبەرگەن ايەلدەرگە قول كوتەرەتىن ەركەكتەردى قاتتى سىناپ، وتكىر مالىمدەمە جاسادى. ءارتىس ءوز ۇندەۋىن Instagram-دا جاريالادى، دەپ حابارلايدى infohub.kz سايتى.
پوستتا ءانشى ايەلدەرگە زورلىق-زومبىلىق كورسەتۋگە جول بەرەتىندەردىڭ وزدەرىن ەركەكپىز دەپ اتاۋعا لايىق ەمەس ەكەنىن ايتتى. «ايەلدەردى ۇرىپ، بۇنىمەن ماقتاناتىندار، سەندەر قالاي وزدەرىڭدى ەركەكپىز دەپ اتاۋعا باتىلىڭىزدار جەتەدى؟ ەگەر جۇدىرىقتارىڭ ايەلدەردى ۇرۋعا عانا جاراسا، وندا سەندەر ەركەك ەمەسسىڭدەر، جاي عانا جانۋارسىڭدار. ايەلدى قورلاۋ ارقىلى قۇرمەتكە يە بولامىن دەپ ويلاۋ — ادامگەرشىلىكتىڭ شەگىنەن شىعۋ»، — دەپ جازدى ديماش.
جانكۇيەرلەر ارتىسكە تۇسىنىكتەمەلەردە قولداۋ ءبىلدىردى. «تولىعىمەن كەلىسەمىن»، «ءبارى دۇرىس ايتىلعان»، «ءار قازاق جىگىتى ديماشتاي بولسىن»، «راحمەت ساعان، باۋىرىم، وسى پوست ءۇشىن. ەگەر ءبارى سەندەي بولسا، سەنىڭ وتباسىڭداي بولسا»، «ەگەر بارلىق ەركەكتەر سەندەي بولسا، ءبىزدىڭ پلانەتا جۇماققا اينالار ەدى»، — دەپ جازدى جەلى قولدانۋشىلارى.