قازاقستاندىق ءارتىس ديماش قۇدايبەرگەننىڭ جاڭا اۆتورلىق ءانى بىرنەشە ەلدە iTunes چارتتارىنىڭ كوشىن باستادى، دەپ حابارلايدى infohub.kz سايتى.
جۋىردا ديماش تۇرىك تىلىندەگى ءانىن ۇسىندى، ونىڭ مۋزىكاسىن ءوزى جازدى. "Yazgı" دەپ اتالاتىن ءان تىڭدارمانداردىڭ كوڭىلىنەن شىعىپ، ءبىرقاتار ەلدەردەگى iTunes مۋزىكالىق چارتتارىنىڭ جوعارعى ساتىلارىن يەلەندى.
"مەنىڭ جاڭا "Yazgı" ءانىم iTunes چارتتارىندا جوعارعى ورىنداردى يەلەنۋدى جالعاستىرۋدا. ۆەنگريادا №1. رۋمىنيادا №1. لاتۆيادا ۇزدىك ۇشتىكتە. ءار تىڭدالىم، ءار ساتىپ الۋ جانە ءار جىلى حابارلاما مەنىڭ مۋزىكاما الەم بويىنشا تىڭدارمانداردى تابۋعا كومەكتەسەدى. ماحابباتتارىڭىز، سەنىمدەرىڭىز جانە تۇراقتى قولداۋلارىڭىز ءۇشىن راحمەت. بۇل جەتىستىك - ءبىزدىڭ ورتاق ەڭبەگىمىز!" - دەدى ديماش.
ءارتىس جانكۇيەرلەرى الەۋمەتتىك جەلىلەردە بەلسەندى تۇردە تاڭدانىستارىن بىلدىرۋدە. "سەن بار كۇش-جىگەرىڭ مەن ماحابباتىڭ ءۇشىن ەڭ جاقسىسىنا لايىقسىڭ، سەن ەرەكشە ادامسىڭ، جان-تانىڭمەن ءان ايتاسىڭ"، "تاماشا انىڭە ءتانتىمىن، ديماش"، "ءان كەرەمەت. وسى سىيلىق ءۇشىن راحمەت"، "بۇل ادەمى ءاندى Spotify-دا دا، YouTube-تا دا تىڭدايمىن! راحمەت!" - دەپ جازادى جانكۇيەرلەر.