قازاقستاندىق ءانشى قايرات نۇرتاس پەن ونىڭ جۇبايى جۇلدىز ابدىكارىموۆا قىزدارىنىڭ العاشقى تۋعان كۇنىن ۇلتتىق «تۇساۋ كەسۋ» داستۇرىمەن اتاپ ءوتتى. تۇساۋ كەسۋ قۇرمەتىنە بەلگىلى تەلەجۇرگىزۋشى دينارا ساتجان يە بولدى، دەپ حابارلايدى infohub.kz.
دينارا ءۇشىن بۇل وقيعا جاي عانا ءداستۇر ەمەس، نۇرتاس وتباسى تاراپىنان كورسەتىلگەن ۇلكەن قۇرمەت پەن سەنىمنىڭ بەلگىسى بولدى. ول الەۋمەتتىك جەلىدە جىلى سوزدەرمەن ءبولىستى: «رابيا نۇرتاس وتباسىنا كۇن ساۋلەسىندەي كەلدى. ول جىلۋلىق پەن ماحاببات اكەلدى. قايرات نۇرتاس پەن جۇلدىز ابدىكارىموۆانىڭ بالالارى كوز الدىمىزدا ءوسىپ كەلەدى. ولاردىڭ ءبارى تالانتتى، تاربيەلى، ءبىلىمدى. مۇنىڭ ارتىندا تەك اتا-انا عانا ەمەس، جەتى اتانىڭ قانى مەن جانى تۇر. اجەلەر مەن اتالاردىڭ دانالىعى مەن قۇندىلىقتارى بالالارعا مۇرا رەتىندە جالعاسا بەرەدى».
تەلەجۇرگىزۋشى سونداي-اق جۇلدىزدىڭ بىرنەشە اي بۇرىن وعان قىزىنا وسى ءراسىمدى وتكىزۋ وتىنىشىمەن جۇگىنگەنىن ايتتى. «جۇلدىز سابىرلى ءارى پاراساتتى. سۇحباتىمدا جۇلدىز قىزدارىنا نەگە رابيا سۇلتان دەپ ات قويعانىن دا ايتتى. رابيا ماحاببات اتموسفەراسىندا ءوسىپ، وتباسىنىڭ جۇرەگىنە اينالسىن! قايرات پەن جۇلدىزدىڭ وتباسىندا وسىنداي قۋانىشتى ساتتەر كوپ بولسىن! سىزدەردىڭ ادەمى ءارى ۇيلەسىمدى وتباسىلارىڭىزعا باقىت تىلەيمىن»، — دەپ جازدى دينارا.
وتباسىنىڭ جانكۇيەرلەرى پىكىرلەرىندە تاڭدانىسىن ءبىلدىردى: «قانداي ادەمى ءداستۇر»، «و، دينارا. ءسىزدىڭ جان دۇنيەڭىز تازا. ءومىردىڭ ءمانى تۋرالى تەرەڭ ويلار. تاماشا دانالىق، مەيىرىمدىلىك پەن اشىق جۇرەك. جۇلدىز، ءسىزدى تاڭداعانىڭىز دۇرىس»، «قىزدىڭ ەسىمى قانداي ادەمى».