سەربيالىق تەننيسشى نوۆاك دجوكوۆيچ سينسينناتيدەگى تۋرنيردە ەكىنشى اينالىمدا ارگەنتينالىق تياگو اگۋستين تيرانتەدەن جەڭىلىپ، جارىستى مەرزىمىنەن بۇرىن اياقتادى. كەزدەسۋ 6:2، 4:6، 4:6 ەسەبىمەن رەيتينگتىڭ 50ء-شى راكەتكاسىنىڭ پايداسىنا اياقتالدى، دەپ حابارلايدى infohub.kz سايتى.
ماچ بارىسىندا سەربيالىق سپورتشى تىزە بۇگىپ قۇلادى، سودان كەيىن وعان مەديسينالىق تايم-اۋت قاجەت بولدى. وقيعانىڭ ۆيدەوسىن Tennis Channel الەۋمەتتىك جەلىدە جاريالادى.
سينسينناتيدەگى جارىستىڭ ءۇشىنشى اينالىمىندا تياگو اگۋستين تيرانتە 20 جاستاعى يسپاندىق تەننيسشى مارتين لاندالۋسپەن كەزدەسەدى.
سينسينناتي ءتۋرنيرى 13-20 تامىز ارالىعىندا وتەدى. ەرلەر اراسىنداعى جەكە سىندا جارىستىڭ جالپى جۇلدە قورى 9،4 ميلليون دوللاردى قۇرايدى. ءتۋرنيردىڭ قازىرگى جەڭىمپازى — يسپانيالىق كارلوس الكاراس.