قازاقستان قور بيرجاسىندا (KASE) دوللاردىڭ ورتاشا ولشەنگەن باعامى تومەندەۋدى جالعاستىرىپ، 454،31 تەڭگەگە جەتتى. بۇل دەمالىس كۇندەرىنىڭ كورسەتكىشىنەن 2 تەڭگەگە تومەن. بۇل — سوڭعى ەكى جىلدان استام ۋاقىتتاعى ەڭ تومەنگى كورسەتكىش، دەپ حابارلايدى infohub.kz.
ەسكە سالايىق، 2 قىركۇيەكتە، سارسەنبىدە، بيرجاداعى دوللار باعامى 455،4 تەڭگەگە دەيىن تومەندەپ، 2018 جىلدان بەرگى ەڭ تومەنگى دەڭگەيگە جەتكەن ەدى. جۇما كۇنى باعام ءسال كوتەرىلىپ، 456،56 تەڭگە بولدى، الايدا دۇيسەنبىدە قايتادان تومەندەي باستادى.
بۇگىنگى ساۋدا قورىتىندىسى بويىنشا KASE-دە دوللاردىڭ ورتاشا ولشەنگەن باعامى 454،31 تەڭگەنى قۇرادى. وسىلايشا، دەمالىس كۇندەرى امەريكان ۆاليۋتاسى 2 تەڭگەگە ارزاندادى.
قازاقستاننىڭ ءىرى قالالارىنداعى ايىرباس پۋنكتتەرىندە ساعات 15:30 جاعدايى بويىنشا قولما-قول دوللاردى ساتىپ الۋ جانە ساتۋ باعامدارى تومەندەگىدەي: استانادا — ساتىپ الۋ 452 تەڭگە، ساتۋ 459 تەڭگە؛ الماتىدا — ساتىپ الۋ 449،1-دەن 455 تەڭگەگە دەيىن، ساتۋ 455،3-تەن 457،5 تەڭگەگە دەيىن؛ شىمكەنتتە — ساتىپ الۋ 454-تەن 455 تەڭگەگە دەيىن، ساتۋ 455،5-تەن 457 تەڭگەگە دەيىن.
ەۋرو دا شامامەن 4 تەڭگەگە ارزانداپ، بۇگىنگى ورتاشا ولشەنگەن باعامى 527،46 تەڭگەنى قۇرادى. ەلدەگى ايىرباس پۋنكتتەرىندە ەۋرو باعامى: استانادا — ساتىپ الۋ 524 تەڭگە، ساتۋ 534 تەڭگە؛ الماتىدا — ساتىپ الۋ 521،5-تەن 531 تەڭگەگە دەيىن، ساتۋ 529-دان 535 تەڭگەگە دەيىن؛ شىمكەنتتە — ساتىپ الۋ 525-تەن 529 تەڭگەگە دەيىن، ساتۋ 530-دان 535 تەڭگەگە دەيىن.
ايتا كەتۋ كەرەك، 4 قىركۇيەكتە، جۇما كۇنى، قازاقستان ۇلتتىق بانكى بازالىق مولشەرلەمەنى تومەندەتتى. بۇل بولاشاقتا تەڭگەلىك دەپوزيتتەردىڭ تارتىمدىلىعىن تومەندەتىپ، ۇلتتىق ۆاليۋتا باعامىنا قوسىمشا قىسىم كورسەتۋى مۇمكىن.