دجەننيفەر ەنيستون مەن ريز ۋيزەرسپۋن باستى رولدەردى سومداعان تانىمال «ۋترەننەە شوۋ» سەريالى اياقتالۋعا جاقىن. Apple TV+ پلاتفورماسى بەسىنشى ماۋسىمنىڭ فينالدىق بولاتىنىن رەسمي راستادى، دەپ حابارلايدى ABC News. دەرەككوز: infohub.kz
قورىتىندى ەپيزودتاردىڭ پرەمەراسى 2027 جىلى وتەدى.
اكتريسالار مەن شوۋدىڭ اتقارۋشى پروديۋسەرلەرى تاريحتى اياقتاۋ تۋرالى شەشىمنىڭ ءوزارا كەلىسىلگەن جانە جوسپارلى بولعانىن مويىندادى. ەنيستون كومانداعا العىس ايتىپ، فينالدى الدىن الا ويلاستىرعاندارىن اتاپ ءوتتى: «ءبىز بۇل ماۋسىمنىڭ سوڭعى بولاتىنىن بىلدىك. سوندىقتان كەيىپكەرلەرىمىزدىڭ وقيعالارىن ادەمى ءارى لايىقتى اياقتاي الدىق»، — دەيدى ول. ۋيزەرسپۋن جوباداعى جۇمىستى ومىرىندەگى ماڭىزدى كەزەڭ دەپ اتادى: «توعىز جىل بويى „ۋترەننەە شوۋ" ۇستىندە جۇمىس ىستەۋ — مەن ءۇشىن ۇلكەن مارتەبە. ءبىزدىڭ سەريال ءارقاشان تەك تەلەديدار تۋرالى عانا ەمەس، ءسوز بوستاندىعى مەن ادال جۋرناليستيكانىڭ ماڭىزى تۋرالى اڭگىمە بولدى»، — دەپ قوستى ول.
«ۋترەننەە شوۋ» — Apple TV+ پلاتفورماسىنىڭ باستى جوبالارىنىڭ ءبىرى. سەريال سەرۆيس جۇمىس ىستەي باستاعان العاشقى كۇنى — 2019 جىلعى 1 قاراشادا جارىق كوردى. ءتورت ماۋسىم ىشىندە جوبا بەدەلدى «ەممي» سىيلىعىنىڭ 28 نوميناسياسىنا يە بولىپ، بۇكىل الەم بويىنشا ميلليونداعان كورەرمەننىڭ سۇيىسپەنشىلىگىنە بولەندى. ءقازىر بەسىنشى ماۋسىم ازىرلەنۋ ۇستىندە، ال جاساۋشىلار جانكۇيەرلەرگە جارقىن ءارى ەستە قالارلىق فينال سىيلاۋعا ۋادە بەرەدى.