30 Seconds To Mars توبىنىڭ ءانشىسى ءارى اكتەر دجارەد لەتو جاڭا Assassination («كىسى ءولتىرۋ») تريللەرىندەگى رولىنەن ايىرىلدى. سەبەپ — سوڭعى اپتالاردا قايتا نازارعا ىلىككەن سەكسۋالدىق زورلىق-زومبىلىققا قاتىستى كوپتەگەن ايىپتاۋلار، دەپ حابارلايدى infohub.kz.
Page Sixء-تىڭ مالىمەتىنشە، اكتەر 2025 جىلى رەجيسسەر بارري لەۆينسوننىڭ فيلمىنە قاتىسۋ تۋرالى بەلسەندى كەلىسسوزدەر جۇرگىزگەن. كەلىسىم تولىق دەرلىك بەكىتىلگەن ەدى، الايدا پروديۋسەرلەر لەتونىڭ كانديداتۋراسىنان باس تارتۋدى ءجون كوردى.
جوبا باسشىلىعى ايىپتاۋلاردى كەلىسسوزدەردىڭ العاشقى كەزەڭىندە تالقىلاعان بولۋى مۇمكىن. ولاردىڭ سانى ارتا تۇسكەن سوڭ، ستۋديا ىنتىماقتاستىقتى جالعاستىرماۋ تۋرالى شەشىم قابىلدادى.
قوسىمشا فاكتور رەتىندە لەتو باستى ءرولدى سومداعان «ترون: ارەس» ءفيلمىنىڭ كاسساسىنىڭ السىزدىگى دە اسەر ەتكەن بولۋى مۇمكىن. دەگەنمەن، دەرەككوزدەردىڭ ءبىرىنىڭ پىكىرىنشە، بۇل اكتەردەن باس تارتۋدى جەڭىلدەتكەن عانا.
Assassination ءفيلمى اقش پرەزيدەنتى دجون كەننەديدىڭ ءولىمىن تەرگەگەن جۋرناليست دوروتي كيلگاللەننىڭ جۇمباق جاعدايدا قازا بولۋى تۋرالى باياندايدى. كارتيناداعى باستى رولدەردى برايان كرەنستون مەن برەندان فرەيزەر سومدايدى. دجارەد لەتونى كىم الماستىراتىنى ازىرگە بەلگىسىز.
بۇعان دەيىن Kursiv LifeStyle دجارەد لەتوعا قاتىستى BBCء-دىڭ تەرگەۋى جاريالانعاننان كەيىن كامەلەتكە تولماعاندارعا قاتىستى قىسىم كورسەتۋ ايىپتاۋلارى قايتا قوزعالعانىن جازعان.