جىلىمىق تۇسىسىمەن قازاقستاننىڭ دالاسى مەن تاۋ بوكتەرلەرى وزگەرەدى: تابيعات بىرنەشە اپتاعا عانا اشىق قىزىل، سارى جانە قىزعىلت تۇستەرگە بويالادى. بۇل — ادەمى فوتوسۋرەتتەردى ۇناتاتىنداردى قىزىقتىراتىن جابايى قىزعالداقتاردىڭ ۋاقىتى. الايدا ەكولوگيا مينيسترلىگى قازاقستاندىقتاردى وسى سيرەك كەزدەسەتىن گۇلدەردى جۇلماۋعا شاقىردى، دەپ حابارلايدى infohub.kz سايتى.
ۆەدومستۆو جابايى قىزعالداقتاردىڭ باستى قۇندىلىعى ولاردىڭ سۇلۋلىعىندا عانا ەمەس، تابيعي ورتادا وسە بەرۋىندە ەكەنىن اتاپ ءوتتى. كوپتەگەن سيرەك تۇرلەر قازاقستاننىڭ قىزىل كىتابىنا ەنگىزىلگەن جانە مەملەكەت قورعاۋىندا. ولاردىڭ قاتارىندا مينيسترلىكتىڭ ءباسپاسوز قىزمەتى جاريالاعان گرەيگ، لەمان جانە شرەنك قىزعالداقتارى بار.
ءاربىر جابايى قىزعالداق — ەلدىڭ تابيعي مۇراسىنىڭ ءبىر بولىگى، دەپ اتاپ ءوتتى ەكولوگيا مينيسترلىگىندە. گۇلدى ج ۇلىپ نەمەسە وسىمدىكتى قازىپ العان ادام تابيعاتتى ونى وسكەن جەرىندە ساقتاۋ مۇمكىندىگىنەن ايىرادى. وسىعان بايلانىستى ۆەدومستۆو ەسكە سالدى: جابايى قىزعالداقتى كەزدەستىرسەڭىز، وزىڭىزگە باسقا ءبىر كادەسىي — فوتوسۋرەت قالدىرعان دۇرىس، ال گۇلدىڭ ءوزى تابيعاتتا قالا بەرسىن. «قىزعالداقتىڭ ەڭ ادەمى ورنى — گۇل شوعى ەمەس، ول گۇلدەگەن دالا»، — دەلىنگەن ۇندەۋدە.