قارجى مونيتورينگى اگەنتتىگى ينتەرپولدىڭ كومەگىمەن حالىقارالىق ىزدەۋدە جۇرگەن ۇلان بايبولوۆتى قازاقستانعا قايتاردى. ونى كورەيا رەسپۋبليكاسىنان ەكستراديسيالادى، دەپ حابارلايدى infohub.kz سايتى.
تەرگەۋ دەرەكتەرى بويىنشا، بايبولوۆ سالىقتاردى جانە بيۋدجەتكە تولەنەتىن باسقا دا مىندەتتى تولەمدەردى جۇيەلى تۇردە اينالىپ وتكەن ۇيىمداسقان قىلمىستىق توپتىڭ مۇشەسى بولعان.
«قىلمىستىق ارەكەت سحەماسى كاسىپورىنداردى نومينالدى باسشىلارعا ساتىپ الۋ جانە قايتا تىركەۋ، ولاردىڭ بانكتىك شوتتارى ارقىلى قارجى وپەراسيالارىن جۇرگىزۋ، سالىق ەسەپتىلىگىنە ادەيى بۇرمالانعان مالىمەتتەردى ەنگىزۋ جانە كەيىننەن اقشانى جناقتاۋ بولدى»، — دەپ حابارلادى اگەنتتىكتە.
سحەمادا قولدانىلعان كاسىپورىنداردىڭ ءبىرى «سفەرا» ج ش س بولدى — 2014 جىلى بايبولوۆ وسى كومپانيانىڭ ديرەكتورىنىڭ ورىنباسارى بولىپ تاعايىندالدى. توپ مۇشەلەرى ءجشس-تىڭ ەسەپ ايىرىسۋ شوتتارىنان 2،5 ملرد تەڭگەدەن استام اقشانى جناقتاعان، ال قوسىمشا ەسەپتەلگەن سالىق سوماسى 1 ملرد تەڭگەدەن استى.
سوت بايبولوۆقا قاتىستى كۇزەتپەن ۇستاۋ تۇرىندەگى بۇلتارتپاۋ شاراسىن سانكسيالادى. ءىس بويىنشا تەرگەۋ جالعاسۋدا، وزگە اقپارات قازاقستان قپك-نىڭ 201-بابىنا سايكەس جاريا ەتىلمەيدى.
اگەنتتىكتە ادام زاڭدا بەلگىلەنگەن تارتىپپەن كىناسى دالەلدەنىپ، زاڭدى كۇشىنە ەنگەن سوت ۇكىمىمەن راستالعانعا دەيىن كىناسىز بولىپ سانالاتىنىن ەسكە سالدى.