قازاقستاندا بيلىكتىڭ جوعارى ەشەلونىندا جاڭا كادرلىق تاعايىنداۋ جاسالدى. ەلدار تولعانبايەۆ قازاقستان رەسپۋبليكاسى پرەزيدەنتىنىڭ ىشكى ساياسات جانە كوممۋنيكاسيالار ماسەلەلەرى جونىندەگى كومەكشىسى بولدى، دەپ حابارلايدى infohub.kz سايتى.
ءتيىستى جارلىققا مەملەكەت باسشىسى قول قويدى. اقوردانىڭ رەسمي حابارلاماسىندا اتاپ وتىلگەندەي، «مەملەكەت باسشىسىنىڭ جارلىعىمەن تولعانبايەۆ ەلدار سەيداحمەت ۇلى قازاقستان رەسپۋبليكاسى پرەزيدەنتىنىڭ ىشكى ساياسات جانە كوممۋنيكاسيالار ماسەلەلەرى جونىندەگى كومەكشىسى بولىپ تاعايىندالدى».
ۇكىمەت سايتىندا جاريالانعان مالىمەتتەرگە سايكەس، ەلدار تولعانبايەۆ 1981 جىلى الماتى وبلىسىندا دۇنيەگە كەلگەن. ول شاكارىم اتىنداعى سەمەي مەملەكەتتىك ۋنيۆەرسيتەتىن، سونداي-اق د.ا. قونايەۆ اتىنداعى ۋنيۆەرسيتەتتى بىتىرگەن.
پرەزيدەنتتىڭ جاڭا كومەكشىسىنىڭ ەڭبەك جولى 2005 جىلى الماتى وبلىسى الاكول اۋدانى ءماسليحاتى اپپاراتىنىڭ باس مامانى قىزمەتىنەن باستالدى. 2005-2006 جىلدار ارالىعىندا ول الاكول اۋدانى اكىمدىگىنىڭ ىشكى ساياسات ءبولىمىنىڭ باس مامانى بولىپ جۇمىس ىستەدى.
2006-2008 جىلدارى تولعانبايەۆ ق ر مادەنيەت جانە اقپارات مينيسترلىگىنىڭ قۇرىلىمىندا قىزمەت اتقاردى. كەيىن، 2008-2012 جىلدارى ق ر پرەمەر-مينيسترى كەڭسەسىنىڭ اقپاراتتىق-تالداۋ ورتالىعىندا باس كەڭەسشى جانە جەدەل اقپارات سەكتورىنىڭ مەڭگەرۋشىسى قىزمەتتەرىن اتقاردى.
2012-2016 جىلدارى ول ق ر پرەزيدەنتى جانىنداعى «ورتالىق كوممۋنيكاسيالار قىزمەتى» رمم ديرەكتورىنىڭ ورىنباسارى بولدى. 2016-2019 جىلدارى ق ر پارلامەنتى ءماجىلىسى ءتوراعاسىنىڭ كەڭەسشىسى بولىپ جۇمىس ىستەدى. 2019 جىلى قىسقا ۋاقىت جەكە قۇرىلىمدا قىزمەت ەتتى.
2019-2020 جىلدارى «الماتى دامۋ ورتالىعى» اق باسقارما ءتوراعاسىنىڭ ورىنباسارى قىزمەتىن اتقاردى. 2020-2022 جىلدارى «Almaty تەلەراديوكومپانياسى» اق باس ديرەكتورىنىڭ ءبىرىنشى ورىنباسارى بولدى. 2022-2023 جىلدارى — ق ر پرەزيدەنتى اكىمشىلىگىنىڭ مەملەكەتتىك ينسپەكتورى.
2023 جىلى تولعانبايەۆ ق ر اقپارات جانە قوعامدىق دامۋ ۆيسە-مينيسترى بولدى. 2023-2024 جىلدارى — ق ر پرەزيدەنتى اكىمشىلىگىنىڭ كوممۋنيكاسيالار ءبولىمى مەڭگەرۋشىسىنىڭ ورىنباسارى. 2024 جىلدان باستاپ ق ر ۇكىمەتى اپپاراتى باسشىسىنىڭ ورىنباسارى قىزمەتىن اتقاردى.