امەريكالىق بيوينجەنەرلەر پروتەزدەرگە ارنالعان يننوۆاسيالىق جابىن ويلاپ تاپتى، ول ادامدارعا جاناسۋ سەزىمىن قايتارا الادى. جاڭا جۇيە پروتەز تيەتىن زاتتاردىڭ قىسىمىن، قۇرىلىمىن، قاتتىلىعىن جانە تەمپەراتۋراسىن اجىراتادى، دەپ حابارلايدى infohub.kz سايتى.
قولدانىستاعى ەلەكتروندى جابىندار كوبىنەسە قىمبات، ىڭعايسىز جانە اياق-قول پىشىنىنە ناشار بەيىمدەلەدى. سونىمەن قاتار، ولاردىڭ سەزىمتالدىعى ناقتى پروتەزگە دايىنداۋ كەزىندە تومەندەۋى مۇمكىن، ال ۇلكەن كولەمدەگى دەرەكتەردى ناقتى ۋاقىتتا وڭدەۋ قيىندىق تۋدىرادى.
جاڭا ازىرلەمە بۇل ماسەلەلەردى «سكانەرلەۋ — مودەل — باسىپ شىعارۋ» تەحنولوگياسى ارقىلى شەشەدى. ماماندار الدىمەن پروتەزدى سكانەرلەيدى، سودان كەيىن اياق-قول ءپىشىنىن قايتالاي وتىرىپ، بەتتى تىعىز جانە بىركەلكى جاباتىن جەكە سەنسورلىق قابىق جاسايدى.
داچيكتەر جۇقا مودۋلدەر تۇرىندە جاسالعان، ولار جەلىمسىز، Lego تەكشەلەرى سياقتى بىر-بىرىمەن قوسىلادى. بۇل ءتاسىل بەرىكتىكتى، يكەمدىلىكتى جانە ءوندىرىستىڭ ىڭعايلىلىعىن قامتاماسىز ەتەدى.
«ەلەكتروندى تەرىنى» جاساۋ ءۇشىن 3D-باسىپ شىعارۋ جانە لازەرلىك كەسۋ قولدانىلادى. ازىرلەۋشىلەردىڭ ايتۋىنشا، بۇل تەحنولوگيانىڭ قۇنىن تومەندەتەدى جانە ونى كوبىرەك پاسيەنتتەرگە قولجەتىمدى ەتەدى.
بۇعان دەيىن نيدەرلاند عالىمدارى مي ءتىنى ارقىلى وزدىگىنەن جول تاباتىن بۇراندا ءتارىزدى كىشكەنتاي روبوت جاساعانى حابارلانعان بولاتىن.