گەرمانيانىڭ حالبەرشتادت قالاسىنداعى ورتاعاسىرلىق شىركەۋدە كومپوزيتور دجون كەيدجدىڭ 639 جىلعا ەسەپتەلگەن تۋىندىسى اياسىندا كەزەكتى اككورد اۋىستىرىلدى، دەپ حابارلايدى infohub.kz.
اۋليە بۋركاردي شىركەۋىندە ASLSP (As Slow as Possible — «مۇمكىندىگىنشە باياۋ») مۋزىكالىق جوباسى اياسىندا جاڭا نوتا ورىندالدى. امەريكاندىق اۆانگارد كومپوزيتورى دجون كەيدج جازعان بۇل تۋىندى ارنايى جاسالعان ورگاندا 2001 جىلى ورىندالا باستادى. بۇل ەرەكشە كونسەرت تەك 2640 جىلى اياقتالۋى ءتيىس.
دىبىستىڭ وزگەرۋى الەمنىڭ تۇكپىر-تۇكپىرىنەن زاماناۋي مۋزىكا جانكۇيەرلەرىن تارتادى. اككوردتى وزگەرتۋ ءۇشىن مۋزىكانتتار مەن ينجەنەرلەر قۇم سالىنعان قاپتاردى قولمەن قوسىپ نەمەسە الىپ تاستايدى، ورگاننىڭ پەدالدارىن باسادى نەمەسە قۇبىرلاردى اۋىستىرادى. وسى ۋاقىتقا دەيىن اسپاپتىڭ دىبىسى 2024 جىلدىڭ اقپانىنان بەرى وزگەرمەگەن بولاتىن، سوندا الدىڭعى نوتا ورناتىلعان ەدى.
جوبا اۆتورلارى تۋىندى التى عاسىردان استام ۋاقىت بويى ۇزدىكسىز ورىندالىپ، ءاربىر اككورد اۋىستىرۋ سيرەك كەزدەسەتىن مادەني وقيعاعا اينالادى دەپ ەسەپتەيدى. حالبەرشتادتتەگى ورگاننىڭ مۋزىكالىق ۇندەستىگى كەلەسى جولى تەك 2028 جىلى وزگەرەدى.