قازاقستان ەڭبەك جانە حالىقتى الەۋمەتتىك قورعاۋ مينيسترلىگى 2026 جىلدىڭ ءبىرىنشى جارتىجىلدىعىنداعى جۇمىس قورىتىندىسىن شىعاردى. ۆەدومستۆو باسشىسى اسقاربەك ەرتاەۆتىڭ توراعالىعىمەن وتكەن كەڭەيتىلگەن وتىرىستا اتقارىلعان جۇمىستاردىڭ ناتيجەلەرى قارالىپ، جىل سوڭىنا دەيىنگى نەگىزگى مىندەتتەر ايقىندالدى، دەپ حابارلايدى infohub.kz سايتى.
2026 جىلى الەۋمەتتىك تولەمدەرگە 6،8 ترلن تەڭگە قاراستىرىلعان. 4،6 ملن ادام زەينەتاقى مەن جاردەماقىلارمەن قامتاماسىز ەتىلگەن، جالپى تولەم كولەمى 3،3 ترلن تەڭگەنى قۇرادى. جىل باسىنان بەرى 250 مىڭعا جۋىق ادام جۇمىسقا ورنالاستىرىلسا، تاعى 245 مىڭ ازامات جۇمىسپەن قامتۋدىڭ بەلسەندى شارالارىمەن قامتىلدى.
مەملەكەتتىك ەڭبەك ينسپەكتورلارى 3 607 تەكسەرۋ جۇرگىزىپ، ونىڭ بارىسىندا ەڭبەك زاڭناماسىنىڭ 4 مىڭنان استام بۇزۋشىلىعى انىقتالدى. ەلدەگى جۇمىسسىزدىق دەڭگەيى 4،5%-دى قۇرادى. مەديسينالىق-الەۋمەتتىك ساراپتامالاردىڭ 45%-دان استامى سىرتتاي فورماتتا جۇرگىزىلۋدە. سيفرلاندىرۋدىڭ ارقاسىندا 9 مەملەكەتتىك قىزمەتتى كورسەتۋ مەرزىمى ءبىر جۇمىس كۇنىنە دەيىن قىسقارتىلدى.