قازاقستاندىق ارالاس جەكپە-جەك شەبەرى ءارى اكتەر ەركەبۇلان توقتار الەۋمەتتىك جەلىدە جاڭا ءساندى كولىگىن كورسەتىپ، جانكۇيەرلەرىنىڭ نازارىن تاعى دا وزىنە اۋداردى. بۇل جولى ونەر يەسى 666 TOK 02 اسەرلى ءنومىرى بار قارا Mercedes-Benz G-Class كولىگىن كورسەتتى، دەپ حابارلايدى infohub.kz سايتى.
جاريالانعان ۆيدەودا سپورتشى جول تالعامايتىن كولىككە وتىرىپ، ونىڭ سالونىن كورسەتەدى. ايتا كەتەيىك، بۇل توقتاردىڭ كوللەكسياسىنداعى ەكىنشى «گەلەندۆاگەن».
ۆيدەودا بوەس ءوزىنىڭ دوستارى مەن تانىستارىنا ازىلمەن ۇندەپ، ولاردىڭ الدىڭعى كولىكتى ساتىپ الۋ كەزىندەگى رەاكسياسىن ەسكە الدى. «جارتى جىل بۇرىن „گەليك“ العانىمدا، قاتتى قىزعانعان دوستار بولدى. ولارعا سالەم! جىگىتتەر، مەن تاعى ءبىر كولىك ساتىپ الدىم»، — دەيدى توقتار ك ۇلىپ.
اكتەردىڭ جانكۇيەرلەرى بۇعان نەمقۇرايلى قاراماي، تۇسىنىكتەمەدە بەلسەندى تۇردە قولداۋ ءبىلدىرىپ، اماندىق پەن ساتتىلىك تىلەدى. «تابىس اكەلسىن»، «جارايسىڭ، باۋىرىم! قۋانعاندارعا دا بۇيىرسىن»، «ۆاۋ، توپ!»، «قىزعانامىن، نەسىن جاسىرامىن»، — دەپ جازادى پايدالانۋشىلار.
بۇعان دەيىن مما بويسى مەن اكتەردىڭ جازىلۋشىلارى ونىڭ جاڭا تاڭداۋلىسى كىم ەكەنىن انىقتاۋعا تىرىسىپ جاتقانى حابارلانعان بولاتىن. بلوگەر ءارى مودەل داريا پودگورنايا (@marquisa_marquisa1) باستى ۇمىتكەر رەتىندە اتالۋدا.