قازاقستان رەسپۋبليكاسىنىڭ مادەنيەت جانە اقپارات ۆيسە-مينيسترى بولىپ ەرجان توقتاعۇلوۆ تاعايىندالدى. وسىعان دەيىن ول وسى ۆەدومستۆونىڭ دەپارتامەنتتەرىنىڭ ءبىرىن باسقارعان ەدى، دەپ حابارلايدى infohub.kz سايتى.
ق ر ۇكىمەتىنىڭ قاۋلىسىمەن ەرجان داۋلەت ۇلى توقتاعۇلوۆ مادەنيەت جانە اقپارات ۆيسە-مينيسترى لاۋازىمىنا بەكىتىلدى. ول 1992 جىلى جامبىل وبلىسىندا دۇنيەگە كەلگەن. ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىن، قازتۇتىنۋوداعى قاراعاندى ەكونوميكالىق ۋنيۆەرسيتەتىن، ق ر پرەزيدەنتى جانىنداعى مەملەكەتتىك باسقارۋ اكادەمياسىن جانە حالىقارالىق كولىك-گۋمانيتارلىق ۋنيۆەرسيتەتىن بىتىرگەن. پرەزيدەنتتىك جاستار كادر رەزەرۆىنىڭ مۇشەسى.
توقتاعۇلوۆتىڭ ەڭبەك جولى 2015 جىلى باستالدى: 2015–2018 جىلدارى ق ر ۇلتتىق ەكونوميكا مينيسترلىگىنىڭ قۇرىلىمىندا باس مامان، ساراپشى بولىپ جۇمىس ىستەدى. 2018–2019 جىلدارى — ق ر اقپارات جانە كوممۋنيكاسيالار مينيسترلىگى تەلەكوممۋنيكاسيالار كوميتەتىنىڭ بايلانىس سالاسىنداعى باقىلاۋ باسقارماسىنىڭ باس ساراپشىسى. 2019 جىلى — «قازاقستان يندۋسترياسىن دامىتۋ ينستيتۋتى» ەكسپورتتاۋشىلاردىڭ شىعىنىن وتەۋ ورتالىعىنىڭ ديرەكتورى.
2019–2020 جىلدارى ق ر اقپارات جانە قوعامدىق دامۋ مينيسترلىگى اقپارات كوميتەتىنىڭ ب ا ق سالاسىنداعى باقىلاۋ باسقارماسىنىڭ باسشىسى مىندەتىن اتقاردى. 2020–2021 جىلدارى — قوستاناي وبلىسى اكىمدىگىنىڭ ەڭبەك ينسپەكسياسى باسقارماسىنىڭ باسشىسى – قوستاناي وبلىسى بويىنشا باس مەملەكەتتىك ەڭبەك ينسپەكتورى. 2021–2024 جىلدارى ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ ءوڭىرارالىق بايلانىس ينسپەكسياسىن باسقاردى.
2024 جىلدىڭ ناۋرىزىنان باستاپ تاعايىندالعانعا دەيىن ق ر مادەنيەت جانە اقپارات مينيسترلىگىنىڭ سيفرلىق ترانسفورماسيا جانە جوبالىق مەنەدجمەنت دەپارتامەنتىنىڭ ديرەكتورى قىزمەتىن اتقاردى.