استانادا 41 جاستاعى ەر ادام «ارىس» كوپىرىنىڭ تۇسىندا ەسىل وزەنىنەن وتپەك بولىپ، سۋعا باتىپ قالا جازدادى. وقيعا سارايشىق اۋدانىندا بولعان. جاقىن ماڭدا كەزەكشىلىك اتقارىپ تۇرعان قۇتقارۋشىلار تونۋشىنى بايقاپ، ونى دەرەۋ سۋدان الىپ شىقتى، دەپ حابارلايدى infohub.kz سايتى.
تجم مالىمەتىنشە، ەر ادام كۇشىن دۇرىس ەسەپتەمەي، جاعاعا وزدىگىنەن جەتە الماعان. باقىتىنا وراي، جاقىن جەردە جەدەل-قۇتقارۋ جاساعىنىڭ قىزمەتكەرلەرى بولىپ، وقيعانى كورىپ، بىردەن ارەكەت ەتكەن. ولار قۇتقارۋ شەڭبەرىن لاقتىرىپ، ءجۇزۋشىنى قۇرلىققا شىعارعان.
قۇتقارىلعان ادام 1985 جىلى تۋعان ەر ادام بولىپ شىقتى. سۋدەن الىنعان سوڭ ونى تەكسەرۋ جانە ودان ءارى زەرتتەۋ ءۇشىن مەديكتەرگە تاپسىرعان.
وسى وقيعاعا بايلانىستى قۇتقارۋشىلار استانا تۇرعىندارى مەن قوناقتارىنا سۋداعى قاۋىپسىزدىك ەرەجەلەرىن ساقتاۋدىڭ ماڭىزدىلىعىن تاعى دا ەسكە سالدى. ولار ازاماتتاردى ومىرلەرىن قاۋىپ-قاتەرگە تىگۋگە جانە شومىلۋ كەزىندە ءوز كۇشتەرىن اسىرا باعالاماۋعا شاقىردى.
بۇعان دەيىن قوستاناي وبلىسىنىڭ ءجىتىقارا قالاسىندا تجم قىزمەتكەرلەرى شورتاندى وزەنىندە شومىلىپ جاتقان ايەلدى قۇتقارعانى حابارلانعان بولاتىن. ال سەمەيدە قۇتقارۋشىلار ماساڭ كۇيدە وزەندە جۇرگەن ەر ادامعا كومەك كورسەتىپ، باقىتسىز وقيعانىڭ الدىن الدى.