الماتى قالاسى مەن الماتى وبلىسىندا پوليسيا قىزمەتكەرلەرى ەسىرتكى تاراتۋدىڭ كەزەكتى ارنالارىن جويدى، دەپ حابارلايدى infohub.kz سايتى.
ءىىم-نىڭ ەسىرتكى قىلمىسىنا قارسى ءىس-قيمىل كوميتەتى باسقارماسىنىڭ باستىعى باقىتجان ءامىرحانوۆ مالىمدەدى. ونىڭ ايتۋىنشا، الماتىدا پوليسەيلەر 33 جاستاعى ەر ادامدى ۇستادى، ونىڭ كولىگىن تەكسەرۋ كەزىندە ۇنتاق ءتارىزدى زات سالىنعان 130 وراما تابىلىپ، الىندى.
«كۇدىكتىنىڭ تۇرعىلىقتى جەرىن تەكسەرۋ بارىسىندا ەسىرتكى زاتتارى، ەلەكتروندى تارازى، وراۋ ماتەريالدارى جانە تىيىم سالىنعان زاتتاردى قاپتاۋعا ارنالعان باسقا دا زاتتار الىندى»، — دەدى ءامىرحانوۆ.
سونداي-اق الماتى وبلىسىندا ەسىرتكىنىڭ ۇلكەن پارتياسى جاسىرىلعان تاعى ءبىر قويما انىقتالدى. «الىنعان زاتتىڭ جالپى كولەمى ەكى كەلى مەفەدروندى قۇرادى، بۇل 10 مىڭ ءبىر رەتتىك دوزاعا تەڭ. ءىرى پارتيا ەسىرتكى تۇتىنۋشىلارعا جەتپەدى»، — دەپ اتاپ ءوتتى باسقارما باستىعى.
ىىم-دە ۇستالعان ادام كىناسىن مويىنداعانىن ايتتى. اتالعان فاكتى بويىنشا ق ر قك-نىڭ 297-بابىمەن سوتقا دەيىنگى تەرگەۋ باستالدى، ەندى كۇدىكتى ناركوكۋرەرگە 12 جىلعا دەيىن باس بوستاندىعىنان ايىرۋ جازاسى ءقاۋىپ ءتونىپ تۇر. ول ۋاقىتشا ۇستاۋ يزولياتورىنا قامالدى.
«ءىىم ەسىرتكى تاراتۋ ارەكەتتەرىن قاتاڭ تۇردە توقتاتادى. بۇل باعىتتاعى جۇمىس جالعاسۋدا»، — دەدى ءامىرحانوۆ.