وسكەمەندە پوليسيا قىزمەتكەرلەرى ەكى جاس جىگىتتى ۇستاپ، ولاردان ەسىرتكى زاتى بار 91 وراما تاركىلەدى. كۇدىكتىلەردىڭ ءبىرى قاماۋعا الىنسا، ەكىنشىسى ءۇي قاماعىنا وتىرعىزىلدى، دەپ حابارلايدى infohub.kz.
شىعىس قازاقستان وبلىسى پوليسيا دەپارتامەنتى ءباسپاسوز قىزمەتىنىڭ مالىمەتىنشە، جەدەل-ىزدەستىرۋ ءىس-شارالارى بارىسىندا ەسىرتكى قىلمىسىنا قارسى كۇرەس ءبولىمىنىڭ قىزمەتكەرلەرى ەسىرتكىنىڭ زاڭسىز اينالىمى فاكتىسىن جولىن كەستى. قالا تۇرعىندارى — 18 جانە 19 جاستاعى ەكى جىگىت ۇستالىپ، ولار ەسىرتكى زاتتارىن ساتۋ ماقساتىندا، ءبىر توپ ادام بولىپ ساقتادى دەگەن كۇدىككە ءىلىندى.
جەكە ءتىنتۋ كەزىندە كۇدىكتىلەردەن قۇرامىندا تىيىم سالىنعان زاتتار بار 91 وراما تابىلىپ، تاركىلەندى. سوت-ساراپتاما قورىتىندىسى بويىنشا، تاركىلەنگەن زاتتاردىڭ قۇرامىنان پسيحوتروپتىق زاتتار انىقتالدى: جالپى سالماعى 25،29 گرامم مەفەدرون، 27،21 گرامم α-PVP جانە 6،24 گرامم كاننابيس شايىرى. بۇل كولەمدەر ەرەكشە ءىرى مولشەرگە جاتادى.
قازىرگى ۋاقىتتا وسى فاكتى بويىنشا سوتقا دەيىنگى تەرگەۋ جۇرگىزىلۋدە. كۇدىكتىلەردىڭ بىرىنە قاتىستى ءۇي قاماعى تۇرىندەگى بۇلتارتپاۋ شاراسى تاڭدالسا، ەكىنشىسى ۋاقىتشا ۇستاۋ يزولياتورىنا قامالدى.