«نۋريكامال» جانە «ءداستۇر: تەرىس باتا» فيلمدەرىمەن تانىمال قازاقستاندىق اكتريسا فاريزا ەسكەرمەس «ورمەكشى-ادام: جاڭا كۇن» ءفيلمىنىڭ دۋبلياجىنداعى جۇمىسى تۋرالى اسەرىمەن ءبولىستى. ونىڭ داۋىسىمەن قازاق تىلىندە زەندەيانىڭ كەيىپكەرى سويلەدى، دەپ حابارلايدى infohub.kz سايتى.
اكتريسا ءۇشىن بۇل تاجىريبە تەك قىزىقتى عانا ەمەس، سونىمەن قاتار پايدالى بولدى. جانكۇيەرلەرىنە جولداعان ۇندەۋىندە ول: «زەندەيانى قازاق تىلىندە دىبىستاۋ مەن ءۇشىن كەرەمەت تاجىريبە بولدى. ال دۋبلياجدىڭ ءوزى — مەنىڭ جاڭا ماحابباتىم. ورمەكشى-ادام — 63 جىل بويى الەمدەگى ميلليونداعان ادامدى شابىتتاندىرىپ كەلە جاتقان اڭىزعا اينالعان كەيىپكەر. مەن وسى فيلمدەرمەن ءوستىم جانە ءبىر كۇنى ءوزىمنىڭ وسى تاريحتىڭ ءبىر بولىگى بولاتىنىمدى ەلەستەتە دە المادىم. كورۋگە جاعىمدى!» — دەدى.
اكتريسانىڭ جانكۇيەرلەرى مەن ارىپتەستەرى ونىڭ جۇمىسىن جوعارى باعالاپ، تولعاندىراتىن پىكىرلەر قالدىردى: «سۇلۋ»، «كەرەمەت»، «ءبىزدىڭ قازاق زەندەياسى»، «وتە تاماشا»، «پاتشايىم».
بۇعان دەيىن «ورمەكشى-ادام: جاڭا كۇن» ءفيلمى اقش پروكاتىندا تاريحتاعى ەڭ جىلدام جارتى ميلليارد دوللار جيناعانى حابارلانعان بولاتىن.